Askwala More









Jan 29, 2020 at 10:11 AM

ባህርዳር ተቃውሞ ሰልፎች በተለያዩ የአማራ ክልል ከተሞች

Informer: Askwala

ከደምቢዶሎ ዩኒቨርሲቲ ወደ ቤተሰቦቻቸው ሲመለሱ ማንነታቸው ባልታወቀ ሰዎች የታገቱት በአብዛኛው ሴት የዩኒቨርሲቲ ተማሪዎች እንዲለቀቁ መንግሥትን የሚጠይቁ ሰልፎች በአማራ ክልል የተለያዩ ከተሞች ዛሬ ተከናወኑ። ወደ አደባባዮች የተመሙት ሰልፈኞች «ተማሪዎቹ የት ናቸዉ? እህቶቻችንን መልሱ፤ ስለታገቱት ተማሪዎች ዝም አልንልም፤ ፍትኅ ለታገቱ እህት ወንድሞቻችን፤ የሕግ የበላይነት ይከበር፤ መንግሥት የት አለ? እህቶቻችን ይፈቱ» የሚሉ መፈክሮችን አሰምተዋል። በባሕር ዳር ከተማ ቁጥሩ ከፍተኛ የኾነ ነዋሪ ለሰፍል አደባባይ የወጣ ሲኾን፤ የፌደራሉንና የአማራ ክልል መንግስትን የሚወቅሱ መፈክሮች መሰማታቸው ታውቋል። አንዳንድ የሰልፉ ተሳታፊዎች በሰጡት አስተያየት መንግስት ከሚገባው በላይ ቸልተኝነቱን አሳይቷልም ብለዋል። ማንነታቸው ባልታወቀ ሰዎች የታገቱት በአብዛኛው ሴት የዩኒቨርሲቲ ተማሪዎች ከታገቱ ከ50 ቀናት በላይ የኾናቸው ሲኾን፤ መንግስት 17ቱ ተለቀዋል ብሏል። ኾኖም እሰካሁን አንዳቸውም ከቤተሰቦቻቸው አልተገኛኙም። በዋሽንግተን ዲሲም ኢትዮጵያውያን በኢትዮጵያ ኤምባሲ ፊት ለፊት ተገኝተው ተቃውሞዋቸውን አሰምተዋል።

Info source: ዶይቼ ቬለ






ONLINE E-BOOKS

Online E-books, Textbooks and related materials.