Askwala More









Feb 03, 2020 at 10:52 AM

ፍልስጤማውያን በሊባኖስ ለተቃውሞ አደባባይ ወጡ

Informer: Askwala

የእስራኤል እና ፍልስጤማውያንን ግጭት በዘላቂነት ይፈታል በማለት ዩናይትድ ስቴትስ ያቀረበችውን የሰላም ሃሳብ በመቃወም በመቶዎች የሚቆጠሩ ፍልስጤማውያን እና ሊባኖሳውያን ሊባኖስ በሚገኘው የዩናይትድ ስቴትስ ኤምባሲ ፊት ለፊት ተቃውሟቸውን አሰሙ። ሰልፈኞቹ የፍልስጤምን ሰንደቅ አላማ በመያዝ «ሞት ለአሜሪካ ፣ሞት ለእስራኤል! በሞታችን የፍልስጤም ትንሳዔ እናረጋግጣለን የሚሉ መፈክሮችን ሲያሰሙ መዋላቸውን AFP ዘግቧል። በፕሬዚዳንት ዶናልድ ትራምፕ የረቀቀው ይኸው የሰላም ሃሳብ የእየሩሳሌም ከተማን ጨምሮ ሌሎች በእስራኤል ተይዘው ያሉትን አካባቢዎች ለእስራኤል ይሰጣል። ሰልፈኞቹ በቤይሩት በሚገኘው የአሜሪካ ኤምባሲ አጥር ድረስ በመጠጋታቸው ፖሊስ አስለቃሽ ጋስ በመጠቀም በትኗቸዋል። በትንሹ ሶስት ሰዎችን በቁጥጥር ስር መዋላቸውም ተነግሯል። በሊባኖስ በአስር ሺዎች የሚቆጠሩ ፍልስጤማውያን ስደተኞች የሚገኙ ሲሆን በ12 የስደተኞች ጣቢያዎች የሰላም ሃሳቡ ይፋ ከተደረገበት ጊዜ ጀምሮ ተቃውሟቸውን በማሰማት ላይ ይገኛሉ። የፍልስጤሙ ፕሬዚዳንት መሀሙድ አባስ ቅዳሜ ጥር 23 ያደረጉትን ጥሪ ተከትሎ በግብጽ ተሰባስበው የነበሩት የአረብ ሊግ አባል ሃገራት የሰላም ሃሳቡን ውድቅ አድርገውታል።

Info source: ዶይቼ ቬለ






ONLINE E-BOOKS

Online E-books, Textbooks and related materials.