Askwala More









Feb 04, 2020 at 09:49 AM

አዲስ አበባ ጠ/ሚ ዓቢይ በተወካዮች ም/ቤት የሰጡት ማብራሪያ

Informer: Askwala

የታገቱ የዶምቢዶሎ ዩኒቨርስቲ ተማሪዎች ጉዳይ ውስብስብ እና መንግሥትም እደፈለገው መናገር ያልቻለበት መሆኑን የኢትዮጵያ ጠቅላይ ሚኒስትር ዶክተር ዓቢይ አህመድ አስታወቁ።ዶክተር ዓቢይ ትናንት በኢትዮጵያ የህዝብ ተወካዮች ምክር ቤት ከምክር ቤቱ አባላት የዶምቢዶሎ ዩኒቨርስቲ ተማሪዎችን ጉዳይ ጨምሮ በሌሎች የሀገሪቱ ወቅታዊ ጉዳዮች ላይ ለተነሱላቸው ጥያቄዎች በሰጡት መልስ እስካሁን እገታውን ፈጽሜያለሁ ብሎ ራሱን ይፋ ያደረገ የተደራጀ ኃይል እንደሌለ ተናግረዋል።የመከላከያ ሠራዊት በአካባቢው ባደረገው አሰሳም የተጎዳም ይሁን የሞተ አለማግኘቱን ገልጸዋል። የሰዎቹ ሕይወት ለአደጋ እንዳይጋለጥ መንግሥት ጉዳዩን በጥንቃቄ መያዙን ያስረዱት ጠቅላይ ሚኒስትሩ ጉዳዩን ለማጣራት የተቋቋመው ኮሚቴ ስራውን ሲያጠናቅቅ ውጤቱን ለህዝብ ይፋ እንደሚያደርግም ገልጸዋል።የምዕራብ ወለጋ የፀጥታ ችግር በተመለከተ ለቀረበላቸው ጥያቄ በሰጡት መልስ የመንግሥት ፍላጎት ችግሩን በድርድርና በንግግር በሰላማዊ መንገድ መፍታት መሆኑን አስታውቀዋል።ያም ሆኖ መንግሥት ሕጋዊ እርምጃ መውሰዱ የግድ እንደሚሆን ነገር ግን ችግሩን በሰላም እንዲፈታ የሚፈልግ ኃይል ካለ እንደሚቀበል ገልጸዋል።ጠቅላይ ሚኒስትር ዓቢይ በትናንት የምክር ቤት ገለጻቸው የመንግሥት የልማት ድርጅቶችን ወደ ግል ስለማዛወር ፣ስለ ኢትዮ ቴሌኮም እና ስለ ህዳሴ ግድብ እና ሌሎች ጉዳዮች ማብራሪያ ሰጥተዋል።

Info source: ዶይቼ ቬለ






ONLINE E-BOOKS

Online E-books, Textbooks and related materials.