Askwala More









Feb 07, 2020 at 09:04 AM

የሕዋ ተመራማሪዋ ክብረ ወሰን በማሻሻል ወደ ምድር ተመለሰች

Informer: Askwala

የሕዋ ተመራማሪዋ ወደ ምድር ተመለሰች በሕዋ ላይ በመቆየት አዲስ የዓለም ክብረ ወሰን ያስመዘገበችው የናሳ የጠፈር ተመራማሪዋ ክርስቲና ኮች በሰላም ወደ ምድር ተመለሰች። ክርስቲና በዓለም አቀፉ የሕዋ የምርምር ጣቢያ ለ328 ቀናት ከሌሎች ሁለት ባልደረቦቿ ጋር በመሆን ሲያደርጉ የነበረውን የምርምር ስራ አጠናቀው ካዛኪስታን ውስጥ በሚገኝ አንድ ስፍራ ማረፋቸው ታውቋል። የ41 ዓመቷ ክርስቲና በዚህ የሕዋ ላይ ቆይታዋ በሌላኛዋ አሜሪካዊት የናሳ የህዋ ተመራማሪ ቬትራን ፔጊ ዊትሰን ተይዞ የነበረውን የ289 ቀናት ሕዋ ላይ የመቆየት ክብረ ወሰን በማሻሻል ታሪክ ሰርታለች። በህዋ ላይ የመሬት ስበት አልባ ቆይታዋ እንደሚናፍቃት የተናገረችው ኮች በፈለኩት ጊዜ መጣሪያ እና በወለል መሃል ተንሳፎ መቆየት ለእርሷ አዝናኝ እንደነበር ገልጻለች። ከእርሷ ቀድማ ወደ ጠፈር ሶስት ጊዜ የተመላለሰችውን የ59 አመቷን ቬትራን ዊትሰንን ለእኔ ጀግናዬ ናት ስትልም አሞካሽታታለች ።አሜሪካ በህዋ ሳይንስ የምርምር ሥራዎች ሴቶችን ለማትጋት ለሚሰሩ እና ለትርፍ ያልተቋቋሙ ድርጅቶች የገንዘብ ድጋፍ ለማድረግ እንቅስቃሴ በተጀመረበት ሰዓት ኬች ወደ ምድር መመለሷ ሴቶችን በብዛት ወደ መስኩ ለመሳብ ምቹ ሁኔታ እንደሚፈጥርም ተገልጿል። ኮች ከሩሲያው የጠፈር ኤጄንሲ ባልደረባ ዲሚትሪ ሮጎዚን እና ከአውሮጳ የጠፈር ኤጄንሲ ባልደረባ ሉካ ፓርሚታኖ ጋር በመሆን ነው 328 ቀናቱን በህዋ ላይ ያሳለፈችው።

Info source: ዶይቼ ቬለ






ONLINE E-BOOKS

Online E-books, Textbooks and related materials.