Askwala More









Feb 10, 2020 at 11:18 AM

33ኛ የአፍሪካ ህብረት የመሪዎች ጉባዔ

Informer: Askwala

የአፍሪቃ መሪዎች ፕሬዚዳንት ትራምፕ ለመካከለኛው ምስራቅ ሰላም መፍትሔ ነው ያሉትን ሀሳብ አወገዙ። ለሁለት ቀናት በሚቆየው እና ዛሬ በጀመረው 33ኛ የአፍሪካ ህብረት የመሪዎች ጉባዔ ላይ ንግግር ያሰሙት የአፍሪካ ህብረት ኮሚሽን ሊቀ መንበር ሙሳ ፋቂ መሃመት ባለፈው ወር የቀረበው የሰላም ሀሳብ ዓለም አቀፋን ማህበረሰብ ያላሳተፈ እና የፍልስጤማውያንን መብት የማያከብር ነው ብለዋል። የጉባኤው ታዳሚያንም በጭብጨባ አጋርነታቸውን ገልፀዋል። የህብረቱ የ 2020 ሊቀ መንበር ሆነው የተመረጡት የደቡብ አፍሪካው ፕሬዚዳንት ሲሪል ራማፎሳ ደግሞ « አፍሪቃን እንገንባ ጠመንጃዎቹን ዝም እናሰኛቸው» ሲሉ ጥሪያቸውን አሰምተዋል። ሀሙስ ዕለት ከጀርመን መራሂተ መንግስት ጋር የተገናኙት ራማፎሳ ሊቢያ እና ደቡብ ሱዳን ውስጥ ያሉትን ግጭቶች መቋጨት ቅድሚያ የሚሰጡት አላማቸው እንደሚሆን ገልፀው ነበር። ከዚህም በተጨማሪ በሴቶች መብት ላይ መስራት እንደሚሹ ራማፎሳ ተናግረዋል። ራማፎሳ የአንድ ዓመት የሊቀመንበርነት ስልጣናቸውን የተቀበሉት ከግብፁ መሪ ፕሬዚዳንት አብደል ፋታህ አል ሲሲ ነው።

Info source: ዶይቼ ቬለ






ONLINE E-BOOKS

Online E-books, Textbooks and related materials.