More




Today is Jummah. Happy Jummah, Happy friday!

Get to know the fact, and the fact itself will set you free!





ሕፃን በማገት 600 ሺህ ብር የጠየቀች ተጠርጣሪ ተያዘች

Informed 7 days ago

በማእከላዊ ጎንደር ዞን፣ ታች አርማጭሆ ወረዳ የሁለት ዓመት ዕድሜ ያለው ሕፃን ይዛ በመሠወር የማስለቀቂያ 600 ሺህ ብር የጠየቀችው ተጠርጣሪ መያዟን የወረዳው ሰላም እና ደህንነት ጽ/ቤት አስታውቋል።

ግለሰቧ በሠራተኝነት ተቀጥራ ከምትሠራበት መኖሪያ ቤት ከግብረ አበሯ ጋር በመሆን ሕፃኑን ይዛ በመሠወር ለሕፃኑ ወላጅ 600 ሺህ ብር ከከፈሉ ልጃቸውን ልትመልስ እንደምትችል በስልክ ደውላ መናገሯ ተጠቅሷል።

የወረዳው የፀጥታ አካል ሕፃኑን ይዛ የሄደችበትን አካባቢ ፈጥኖ በማጣራት ባደረገው ጥብቅ ክትትል እና አሰሳ ትናንት በወገራ ወረዳ ግራርጌ በተባለው የገጠር ቀበሌ መያዝ መቻሉን አስታውቀዋል።

ሕፃንዋም ወላጆቿ እንዲረከቡ መደረጉንና በመልካም ጤንነት ላይ እንደምትገኝ ገልጸዋል።

በድርጊቱ በዋና እና በተባባሪነት የተሳተፉት ግለሰቦችም በቁጥጥር ስር ውለው ጉዳያቸው በምርመራ ሂደት ላይ እንደሚገኝ እና በድርጊቱ ተሳትፈዋል ተብለው የተጠረጠሩ ሌሎች ሦስት ግለሰቦችም ለመያዝ ክትትል እየተደረገ ነው ተብሏል።

በቅርቡም በዞኑ በሰው ማገት ወንጀል ጥፋተኛ የተባለ ግለሰብ በ11 ዓመት ጽኑ እስራት መቀጣቱን ከአማራ ክልል ፖሊስ ኮሚሽን ያገኘነው መረጃ አመልክቷል።


Source:  © Ethiopian Broadcasting Corporation







ONLINE E-BOOKS


Online E-books, Textbooks and related materials.