More




Today is Jummah. Happy Jummah, Happy friday!

Get to know the fact, and the fact itself will set you free!





የአክሱም ዩኒቨርሲቲ የህግ ተማሪዎች የቅድመ-ማጣርያ በማለፍ በአፍሪካ የምስለ-ችሎት ውድድር እየተሳተፉ ነው

Informed 5 days ago

Informer:  Aksum University
የአክሱም ዩኒቨርሲቲ የህግ ትምህርት ክፍል ቡድን የአፍሪካ ሰብአዊ መብቶች በሚያዘጋጀው የምስለ ችሎት ውድድር ለመጀመርያ ጊዜ እየተሳተፉ ይገኛል።
ኢትዮጵያን ወክሎ እየተወዳደረ የሚገኘው የአክሱም ዩኒቨርሲቲ የህግ ትምህርት ቤትን ጨምሮ 29 የአፍሪካ ዩኒቨርሲቲዎች የቅድመ-ማጣርያውን አልፈው ቀጣዩ ዙር የኦንላይን የችሎት ውድድር ጀምረዋል።
የአራተኛ አመት ተማሪዎች ዲያና ፅጋቡ፣ ማህደር አሰፋና አማካሪያቸው መምህር ደረጀ ነጋሽን ያካተተው የአክሱም ዩኒቨርሲቲ ቡድን በመጀመርያው የኦንላይን የችሎት ውድድር የከሳሽ ሚና በመወከል መስከረም 21 2020 ከደቡብ አፍሪካ ዩኒቨርሲቲ (UNISA) ቡድን ጋር ተወዳድረዋል።
ሁለተኛው ዙር የኦንላይን የችሎት ውድድር የዩኒቨርሲቲው ቡድን ተከሳሽን በመወከል መስከረም 23 2020 ከኡጋንዳው ማከረሬ ዩኒቨርሲቲ ጋር ተፋልመዋል።
በውድድሩ እየተሳተፈች ያለችው ተማሪ ማህደር አሰፋ “የምስለ-ችሎት ውድድሩ አለማቀፍ ተሞክሮዎችን በማግኘት የተሻለ አቅም እንድገነባ ረድቶናል” ብላለች።
ተማሪ ዲያና ፅጋቡ በበኩልዋ “በውድድሩ ከበርካታ ዩኒቨርሲቲዎች ተፎካክረን የቅድመ ማጣሪያዎችን አልፈን አሁን እያካሄድን ላለነው ዙር መድረሳችን የትምህርት ሂደቱ በጥሩ ደረጃ ላይ እንዳለ ማሳያ ነው” ስትል ገልፃለች።
ተማሪዎቹ በቀጣይም በተሻለ መልኩ በተግባር የታገዘ ትምህርት ለማግኘት ከትምህርት ክፍል ጀምሮ እስከ አገራዊ የህግ ትምህርት ቤቶች የምስለ-ችሎት ውድድሮች በስፋት ሊኖር ይገባል ብለዋል።
መምህር ደረጀ ነጋሽ በበኩላቸው ውድድሩ በህግ ትምህርት አለማቀፍ ልምድ ያገኙበት መሆኑን ገልፀው በተግባር ትምህርት ላይ ማትኮር እንደሚያስፈልግም አስምረውበታል።
የዚህ ለ29ነኛ ጊዜ የሚደረገው የአፍሪካ ሰብአዊ መብቶች የምስለ-ችሎት ውድድር የመጨረሻ ዙር ከ16 እስከ 19 ታሕሳስ በዩኒቨርሲተ ቨርቹዋለ ደ ሴኔጋል (UVS) እና ዩኒቨርሲተ ቼክ አንታ ደዮፕ (Cheikh Anta Diop de Dakar (UCAD) አዘጋጅነት በሴኔጋል መዲና ዳካር ይካሄዳል፡፡
የአክሱም ዩኒቨርሲቲ የህግ ትምህርት ቤት ቡድንም አሁን የተወዳደረበት ዙር ካለፈ ሴኔጋል በሚካሄደው ስድስት ዩኒቨርሲቲዎች የሚሳተፉት የመጨረሻው ውድድር ይሳተፋል።
ይህ ውድድር በአንግሊዝኛ፣ ፈረንሳይኛና ፖርቱጌስ ቋንቋዎች በየአመቱ የሚዘጋጅ የምስለ-ችሎት ውድድር ነው፡፡







ONLINE E-BOOKS


Online E-books, Textbooks and related materials.