askwala.com - በአንታርክቲካ በረዶ ስር ልዩ ፍጥረታት ተገኛተዋል
Header







በአንታርክቲካ በረዶ ስር ልዩ ፍጥረታት ተገኛተዋል

Image name: Special creatures have been found under the Antarctic ice sheet.jpg

ለፍጥረታት ህይወት የማይስማሙ አካባቢዎች ከሚባሉት ውስጥ በበረዶ የተሸፈነው የአለማችን አንዱ አህጉር አንታርክቲካ ነው፡፡ ለብዙ ጊዜያት ካለው ቅዝቃዜ የተነሳ በዚህ አህጉር ብዙ ፍጥረታት ይኖራሉ ተብሎ አይገመትም ነበር፡፡ ይሁን እንጂ አሁን የወጣ አዲስ መረጃ እንደሚያመለክተው በቀዝቃዛማው አህጉር ያልተጠበቀ ልዩ ፍጥረት በበረዶ ንጣፎች ውስጥ እንደተገኘ አመልክቷል፡፡ መረጃውም ሌሎች እስካሁን ያልታወቁ ፍጥረታት በአካባቢው እንዳሉ የሚያመላክት መሆኑን የመረጃ ምንጫችን ያመለክታል፡፡
በጥናቱ ወቅት ተመራማሪዎቹ የበረዶ ግግሩን 900 ሜትር ጠልቀው የቆፈሩ ሲሆን ክፍት ከሆነው ውቅያኖስ 260 ኪሎሜትር ያክል ርቀት ባለው አካባቢ ከዜሮ በታች 2.2 ዲግሪ ሙቀት ውስጥ ፍጥረታት ተገኝተዋል፡፡ የብሪትሽ አንታርክቲክ ጥናት መሪ ዶክተር ሁው ግሪፍዝ ግኝቱ ያልተጠበቀና በቀዝቃዛው አለም ውስጥ የተለያዩና ያልታወቁ ፍጥረታ እንዳሉ የሚያሳይና ስለ አካባቢው እስካሁን ያለውን እሳቤ የሚቀይር እንደሆነ ተናግረዋል፡፡
ተመራማሪዎቹ ስለ ግኝቱ ሲናገሩ ከመልስ ይልቅ ብዙ ጥያቄዎችን ይዞ የመጣ እንደሆነ ሲናገሩ በማሳያነትም ፍጥረታቱ በዚህ ጥልቀት ውስጥ እንዴት ሊገቡ ቻሉ፣ ምን ይመገባሉ፣ ለምን ያክል ጊዜ በዚህ ቦታ ቆዩ የሚሉና የመሳሰሉ ከፍጥረታቱ ህልውና ጋር የተያያዙ ጥያቄዎችን አቅርበዋል፡፡
በአሁን ጊዜ ያለው መረጃ እንደሚያመለክተው በቀዝቃዛ ቦታዎች ከፀሐይና ከውቅያኖስ አካባቢ እየራቅን በሄድን ቁጥር የህይወት ዋስትናም በዚያው ልክ እየቀነሰ ይሄዳል፡፡ ከዚህ በፊት የተደረጉ ጥናቶች እንደ አሳዎች፣ ትላ ትሎች፣ ጀልፊሽ እና ከሪል ያሉ ዝርያዎች በእነዚህ አካባቢዎች መኖራቸውን አሳውቀዋል፡፡ 




© SciTechDaily   













Short info

× Chat