askwala.com - ሰሜን ኮሪያ የPfizer የክትባት ቴክኖሎጂን ሃክ ለማድረግ መሞከሯ ተገለፀ
Header







ሰሜን ኮሪያ የPfizer የክትባት ቴክኖሎጂን ሃክ ለማድረግ መሞከሯ ተገለፀ


የደቡብ ኮሪያን ብሄራዊ የምርመራ ኤጀንሲ ለሃገር ውስጥ የህግ አውጪ አካላት በትናትናው ዕለት እንዳስታወቀው የሰሜን ኮሪያ ሃከሮች ግዝፉን የመድሃኒት አምራች Pfizer የኮምፒውተር ስርዓት ሰብረው በመግባት ድርጅቱ በኮሮናቫይረስ ዙሪያ ያለውን የክትባት እና የማከሚያ ቴክኖሎጂዎች መረጃ ለመስረቅ መሞከራቸውን ገልጿል፡፡ እስካሁን ምን አይነት መረጃ ከኩባንያው እንደተሰረቀ እና እንደተመዘበረ ባይታወቅም የሃገሪቱ የምርመራ ኤጀንሲ ግን ከፍተኛ የሳይበር ጥቃት በኩባንያው ላይ እንደተሞከረ አስታውቋል፡፡
በደቡብ ኮሪያ እና በሌሎች አካባቢዎች መቀመጫቸውን ባደረጉ የተለያዩ ኩባንያዎች፣ ተቋማት እና ተመራማሪዎች ላይ የሳይበር ጥቃት የሚያደረሱ በሺዎች የሚቆጠሩ ሃከሮችን እንደምታሰለጥን የሚነገረው ሰሜን ኮሪያ፤ አሁንም በጀርመን መቀመጫውን ባደረገው BioNTech የመድሃኒት አምራች እና በአሜሪካው Pfizer በትብብር የተሰራውን የኮሮናቫይረስ ክትባት ሃክ ለማድረግ መሞከሯን የሀገሪቱ የምርመራ ኤጀንሲ ለሃገር ውስጥ የመገናኛ ብዙሀን አስታውቀዋል፡፡
የሰሜን ኮሪያ መንግስት እስካሁን ድረስ አንድም የኮሮናቫይረስ ኬዝ ሪፖርት ባያደርግም በቅርብ ጊዜያት 2 ሚሊዮን ፍሬ አስትራዜንካ የተባለውን የኦክስፎርድ ክትባት ማዘዙ ሲዘገብ ቆይቷል፡፡ በህዳር ወር አካባቢ የማይክሮሶፍት ተቋም Pfizer ጨምሮ ዘጠኝ በሚደርሱ የጤና ተቋማት ላይ የሳይበር ጥቃት እንደሚደርስ አሳስቦ የነበረ ሲሆን፤ የሰሜን ኮሪያ እና የሩሲያ መንግስታት የሚደግፏቸው ስማቸው ዚንክ፣ ሴሪየም እና ፋንሲ ቢር ተብለው የሚጠሩ ድርጅቶች ለጥቃቱ ሃላፊነት እንደሚወስዱ አስታውቆ ነበር፡፡
Pfizer ኩባንያ በተያዘው የፈረንጆች አመት ሁለት ቢሊዮን የሚጠጋ የኮሮኖቫይረስ ክትባት ለማቅረብ በመንቀሳቀስ ላይ የሚገኝ ሲሆን ብዙ ሀገራትም ክትባቱን ለማግኘት ትዛዝ በማቅረብ ላይ ናቸው፡፡ 




© CBS News   













Short info

× Chat