askwala.com - የ5ጂ ስልኮች በአውሮፕላኖች ስራ ላይ ጣልቃ እንደሚገቡ ተነገረ
Header







የ5ጂ ስልኮች በአውሮፕላኖች ስራ ላይ ጣልቃ እንደሚገቡ ተነገረ


አዳዲሶቹ የ5ጂ ስማርት ስልኮች በአውሮፕላን የከፍታ መቆጣጠርያ መሳርያዎች ላይ ጣልቃ እንደሚገቡና በበረራ ወቅትም እነዚህ ስልኮችን ማጥፋት እንደሚገባ የፈረንሳይ ሲቪል አቪዬሽን ባለስልጣን ትናንት አስታውቋል፡፡ የስልኮቹ በከፍታ መቆጣጠርያ መሳርያዎቹ ስራ ላይ ጣልቃ መግባት የከፍታ መጠን ንባብ ላይ መሳሳትን ሊፈጥር እንደሚችልም ባለስልጣኑ ተናግሯል፡፡ በተጨማሪም ጣልቃ ገብነቱ አውሮፕላኖች ወደ ምድር በሚያርፉበት ወቅት እጅጉን በሚያስፈልጓቸው ግብዓቶችን ለችግር እንደሚዳርግም ተገልጿል፡፡
ነገሩ የሚከሰተው ከከፍታ መለኪያዎቹ ወይም አልቲሜትሮችን የሚመጣጠን ብሎም የላቀ ጥንካሬ ካላቸው የፍሪኩዌንሲ መነሻዎች በሚመጣ የሲግናል ጣልቃ ገብነት መሆኑን የሚናገረው ባለስልጣኑ ጉዳዩን አስመልክቶ ለአየር መንገዶች በላከው ማስታወሻ በበረራ ወቅት የ5ጂ ስልኮች በኤርፕሌን ሞድ እንዲቆዩ አልያም ሙሉ ለሙሉ እንዲጠፉ እንዲደረግ ጠቁሟል፡፡ በአውሮፕላኑ መሳርያዎች ላይ መስተጓፈጎል ሲከሰትም አብራሪዎቹ ወዲያው በኤርፖርቱ ላሉት አስተናባሪዎች ለሚያሳቀውቁት የአየር ትራፊክ ተቆጣጣሪዎች እንዲናገሩም የፈረንሳይ ሲቪል አቪዬሽን ባለስልጣን ጥቁምታውን ሰጥቷል፡፡
ጣልቃ የመግባቱን ዕድል ይቀንስ ዘንድ የ5ጂ ጣብያዎች አቀማመጥ ላይም ቅድመ ሁኔታዎችን ማስቀመጡን ተቆጣጣሪ ባለስልጣኑ ተናግሯል፡፡ ባለስልጣኑ የፈረንሳይ ቴሌኮም አገልግሎት አቅራቢዎች የ5ጂ አገልግሎት እንዲጀምሩ ፈቃድ ከተሰጣቸው ከወርሃ ህዳር ጀምሮ ሙከራዎችን እያደረገ የቆየ ሲሆን አሁን ላይ በፈረንሳይ ዋናው ኤርፖርት አቅራብያ ካለው የ5ጂ ጣብያ የሚነሱ ጠንካራ ሲግናሎች ላይ ገደብ ማስቀመጡን ጭምር ገልጿል፡፡ በተጨማሪም በራዲዮን ፍሪኩዌንሲ ላይ ቁጥጥር ከሚያደርግ ኤጀንሲ ጋር በመሆንም በሁሉም የፈረንሳይ ኤርፖርቶች ያሉትን የ5ጂ ጣብያዎች ላይ ቁጥጥሩን የሚቀጥልም ይሆናል፡፡
ከ5ጂ ቀደም ብሎም ብዙዎቹ የዓለማችን ሀገራት የበፊተኞቹ ተንቀሳቃሽ የቴሌኮምዩኒኬሽን ትስስር ትውልዶች በአውሮፕላኖቹ የአቅጣጫ እና ግንኙነት መሳርያዎች ላይ ጣልቃ ይገባሉ ከሚል ስጋት ስልኮች ኤርፕሌን ሞድ ላይ እንዲሆኑ አልያም ጨርሰው እንዲጠፉ ሲያስገድዱ ቆይተዋል፡፡ 




© Tech Xplore   













Short info

× Chat