askwala.com - በመላው ትግራይ ኤሌክትሪክ ዳግም ተቋረጠ
Header







በመላው ትግራይ ኤሌክትሪክ ዳግም ተቋረጠ


የጁንታው ርዝራዦች በኤሌክትሪክ መሰረተ ልማት ላይ በፈፀሙት ጥቃት በመላው ትግራይ ኤሌክትሪክ መቋረጡን የኢትዮጵያ ኤሌክትሪክ ኃይል አስታወቀ፡፡
በክልሉ ኤሌክትሪክ የተቋረጠው የጁንታው ርዝራዦች አዲጉዶም በተባለ አካባቢ ከአላማጣ - መሆኒ - መቐለ በተዘረጋው ከፍተኛ የኃይል ማስተላለፊያ መስመር ላይ ባደረሱት ጥቃት ነው ብሏል ተቋሙ፡፡
ከዚህ ቀደም መስመሩ ከፍተኛ ጉዳት ደርሶበት እንደነበረና ለመጠገንም ረዘም ያለ ጊዜ እንደወሰደ አስታውሷል፡፡
ክልሉ ኃይል ከሚያገኝባቸው መስመሮች አንዱ የአላማጣ - መሆኒ - መቐለ መስመር ሲሆን የተከዜ አክሱም መስመር ደግሞ የጥገና ሥራ እየተከናወነለት እንደነበር አክሏል፡፡
የወደመውን መሰረተ ልማት ዳግም በመጠገን መልሶ ኃይል ለመስጠት እየሰራ መሆኑን ተቋሙ ገልጿል፡፡ 

















Short info

× Chat