askwala.com - የትንፋሻችን ድምፅ ስንተኛ ለምን ይጨምራል?
Header







የትንፋሻችን ድምፅ ስንተኛ ለምን ይጨምራል?


አንዳንድ ሰዎች በእንቅልፍ ሰዓት የሌሎችን እንቅልፍ በሚነሳ መልኩ ያንኮራፋሉ፡፡ ሆኖም ሰዎች ባያንኮራፉም እንኳን ከፍ ባለ ድምፅ ሲተነፍሱ ይታያል፡፡ ይህ ለምን ይሆናል?
ተኝተንም ሆነ ሳንተኛ በትንፋሽ ወቅት የምናወጣው ድምፅ በአየር መዘዋወርያ ትቦዋችን ውስጥ በሚፈጠር መርገብገብ ሳብያ የሚከሰት መሆኑን ባለሙያዎች ያስረዳሉ፡፡ ወደ ውስጥ በምንተነፍስበት ጊዜ ከአፍ እስከ ማንቁርት ድረስ ተዘርግቶ ያለው የላይኛው የአተነፋፈስ ስርዓት ክፍላችን ውስጥ የሚፈጠረው ፈጣን የአየር እንቅስቃሴ በመላው የአተነፋፈስ ስርዓችን ውስጥ ያለውን ግፊት ይቀንሰዋል፡፡ ግፊቱ ይህን የላይኛውን ክፍል ስለሚያኮማትረው ትንፋሽን ሊገድበው ይችላል፡፡
ባልተኛንበት ሰዓት በዚህ ክፍል የሚኖረው እንቅስቃሴ ቱቦውንም ክፍት አሰድርጎ አየር በነፃነት እንደዚዘዋወር አድርጎ የሚያቆይ ይሆናል፡፡ ሆኖም ስንተኛ እንቅስቃሴው በቀድሞ ጥንካሬው ስለማይሆ ክፍሉ የሚኮማተርና የትንፋሻችን ድምፅም እያየለ የሚመጣ ይሆናል፡፡
በእንቅልፍ ሰዓት በትንፋሽ ቱቦው ዙርያ ያሉትን ጡንቻዎች ይላላሉ፡፡ ቱቦው እንዲፍታታ የሚያደርጉት የእነዚህ ጡንቻዎች መላላት ደግሞ ቱቦው እንዲጠብ ያደርገዋል፡፡ የአየር መተላለፊያው ሲጠብ በውስጡ የሚተላለፈው አየር ፍጥነቱ ይጨምራል፡፡ በዚህ ምክንያት አየሩ ይበልጥ ሲርገበገብ ደግሞ የበለጠ ድምፅ የሚፈጥር ይሆናል፡፡ ቱቦው ከዚህም የበለጠ እየጠበበ የሚሄድና ከስትሮ ትንሽ ሰፋ ባለ ጥበት ላይ ሲገኝ ደግሞ ማንኮራፋት ይጀምራል፡፡
በእንቅልፍ ሰዓታችን የትንፋሽ ቱቦው ከማንኮራፋቱ በላይም የሚጠብ ከሆነ መተንፈስን የማይቻል ስለሚያደርገው አየር ፍለጋ እንባንናለን፡፡ ይህን ችግር ለመቅረፍ ዋናው መፍትሄ የሰውነት ክብደትን ቀንሶ በአየር መተላለፊያ ቱቦው ዙርያ ያሉትን ስቦች ማስወገድ ነው፡፡ በሌላ መልኩ አልኮልም ቱቦው ላይ ያሉትን ጡንቻዎች ስለሚያላላቸው ከዕንቅልፍ ሰዓት በፊት አልኮልን መውሰድ ማቆም ይገባል፡፡ ይህ ሁሉ መፍትሄን ካላመጣ ግን በእንቅልፍ ሰዓት የአየር ቱቦዎችን ክፍት የሚያደርግ መሳርያ መጠቀም ሊያስፈልግ ይችላል፡፡
የአየር ቱቦው በሚጠብበት ሰዓት ትንፋሻችንም ቶለ ቶሎ ይሆናል፡፡ ለምሳሌ አንድ ሰው በአማካኝ በየደቂቃው ለ14 ጊዜያት የሚተነፍስ ሲሆን በሚተኛበት ሰዓት ይህ ቁጥር ወደ 15 እና 16 ያድጋል፡፡ 

















Short info

× Chat