askwala.com - የኢትዮጵያ የደረጃዎች ኤጀንሲ የጥራት ሥራ አመራር ስርዐትን( ISO 9001:2015) ለማስተግበር ከተቋማት ጋር የፊርማ ስነሥርዐት አካሄደ፡፡
Header







የኢትዮጵያ የደረጃዎች ኤጀንሲ የጥራት ሥራ አመራር ስርዐትን( ISO 9001:2015) ለማስተግበር ከተቋማት ጋር የፊርማ ስነሥርዐት አካሄደ፡፡


የኢትዮጵያ የደረጃዎች ኤጀንሲ የጥራት ሥራ አመራር ስርዐትን( Quality Management system Implementation ISO 9001:2015) ለማሰተግበር የሚረዳ ስምምነት ከብሔራዊ የማዕድን ኮርፓሬሽን ኃ.የተ.ግ.ማ እንዲሁም ከሜድሮክ የወርቅ ማዕድን ኃ.የተ.ግ.ማ ጋር በጋራ በመሆን የካቲት 16/2013ዓ.ም በኤጀንሲው የመሰብሰቢያ አዳራሽ የፊርማ ስነስርዐት ተካሂዷል ፡፡
በኢትዮጵያ የደረጃዎች ኤጀንሲ በኩል የፊርማ ስነ ስርዐቱን ያካሄዱት የኤጀንሲው ዋና ዳይሬክትር አቶ እንዳለው መኮንን ሲሆኑ የጥራት ስራ አመራር አሰራሮች እየተተገበሩ በሄዱ መጠን ውጤታማነትን በየጊዜው እየቀነሰ በሚሄድ ብክነት፣ በዝቅተኛ ዋጋ በሚቀርብ ምርትና አገልግሎት እንዲሁም በተፈለገው ጊዜ ውስጥ በሚደርስ አቅርቦት በጉልህ እየተረጋገጠ እንደሚሄድ አስረድተዋል፡፡
አያይዘውም ደንበኛ ተኮር የሆኑ ድርጅቶችም በአቅርቦት የሚወዳደሩት ጥራቱን ለመጠበቅ ብቻ መሆን እንደሌለበት ጠቁመው ደንበኞቻቸው የሚጠይቁትን ተፈላጊ ሁኔታዎች ለማሟላትና ከዚያም በላይ ደንበኞቻቸው እንዲሆንላቸው የሚመኙትን በሚገባ ማወቅን ( beyond customer Expectation ) እስከ ማስደሰት ዘልቆ የሚሄድ ጥረት ማድረግ እንዳለባቸው ድርጅቶቹን አሳስበዋል፡፡
በመጨረሻም በቀጣይ የሁለቱም ተቋማት ተወካዮች ከኤጀንሲው ባላሙያዎች ጋር በመሆን የጥራት ስራ አመራር ስርዐት ደረጃን በድርጅቶቻቸው በሚገባ ለመተግበር ቁርጠኝነታቸውን ገልፀዋል፡፡ 

















Short info

× Chat