askwala.com - አዲሱ ጥናት ኮሮናቫይረስን የሚያስተናግዱ 126 የእንስሳት ዝርያን ለይቷል
Header







አዲሱ ጥናት ኮሮናቫይረስን የሚያስተናግዱ 126 የእንስሳት ዝርያን ለይቷል


በተመራማሪዎች ይፋ የተደረገው አዲሱ ጥናት ለኮቪድ-19 መከሰት ምክንያት የሆነውን SARS-CoV-2 ቫይረስ ጨምሮ ሌሎች ብዙ አይነት የኮሮናቫይረስ ዝርያዎችን የሚያስተናግዱ ወይም (host) የሚያደርጉ ከ100 በላይ አጥቢ እንስሳትን የለየ የምርምር ውጤት ነው፡፡ ኔቸር ኮሚኒዩኬሽን በተባለ አለምአቀፍ ጆርናል የታተመው አዲሱ ጥናት እስከዛሬ ሊለዩ ያልቻሉ እና ትከረት ያለተሰጠባቸው ነገር ግን አዲስ የኮሮናቫይረስ ዝርያን ወደሰዎች ሊያስተላልፉ የሚችሉ 126 አጥቢ እንስሳትን ጠቁሞ ያለፈ የጥናት ውጤት ነው፡፡
ተመራማሪዎች እንደሚያስረዱት ኮሮናቫይረስ እጅግ ብዛት ያላቸው የቫይረስ ዝርያዎች ወይም አይነቶች የተሰባሰቡበት ማዕቀፍ ቢሆንም ወደሰዎች እስካሁን ሊተላለፉ የቻሉት የቫይረስ አይነቶች ከሰባት አይበልጡም፡፡ ይሁንና ወደሰዎች ከተላለፉት ከእነዚህ ጥቂት የቫይረስ አይነቶች ውስጥ SARS-CoV-2 ጨምሮ በተለያዩ ጊዜያት የተከሰቱት SARS-CoV እና MERS-CoV የተባሉት ቫይረሶች ሰዎች ላይ ፅኑ ህመም እና ሞትን ያስከተሉ ሆነው ማለፋቸው የቫይረሶቹን አደገኝነት የሚያመለክት ነው፡፡ ኮሮናቫይረስ በዚህ ልክ ሰዎች ላይ መከሰቱን መጥቀስ ቢቻልም በእንስሳቱ አለም ያለውን የተለያየ አይነት የቫይረሱን ስርጭት ስንመለከት ቫይረሱ ከሰዎች በላይ በብዙ አጥቢ አንስሳት ይበልጥ እየተዘዋወረ እንዳለ መረዳት ያስችላል፡፡
በዚህ የቫይረስ ስርጭት አንዳንድ አንስሳት በተመሳሳይ ጊዜ እጅግ ብዛት ባላቸው የኮሮናቫይረስ ዝርያዎች የሚያዙ ሲሆን፣ ይህ በሚከሰትበት ወቅት ከተለያዩ የኮሮናቫይረስ አይነቶች የተገኙት በራሂዎች ወይም (genes) ራሳቸውን በማዋሃድ እና በማባዛት አዲስ የኮሮናቫይረስ ይፈጥራሉ፡፡ ተመራማሪዎች ይህን ተፈጥሮአዊ ሂደት እንደገና ማዋሃድ ወይም (recombination) ብለው የሚጠሩት ሲሆን፤ በአሁን ወቅት በዓለማችን ላይ ከባድ ቀውስ እያስከተለ የሚገኘው የኮቪድ-19 መከሰቻ ምክንያት SARS-CoV-2 ቫይረስ በዚህ ተፈጥሮአዊ ሂደት የተገኘ ነው፡፡
ታዲያ የተመራማሪዎች አዲስ ጥናት እንዲ ያለውን የቫይረስ አፈጣጠር ሊያስተናግዱ የሚችሉ አንስሳትን ለመለየት ያለመ ሲሆን ይህን ውጤት ለማምጣትም ተመራመሪዎች ከብሄራዊ ጤና ዳታቤዝ የጂንባንክ መረጃዎችን በማምጣት እና ከኮምፒውተር ሞዴል ጋር በማጣመር ከ120 በላይ የእንስሳት ዝርያን ለመለየት ችለዋል፡፡ ይህ ጥናት ከዚህ በኋላ ሊፈጠሩ የሚችሉ አደዲስ የኮሮናቫይረስ ዝርያዎችን ለመገመት የሚያስችል ሲሆን ከዚህ በፊት የተከሰቱት የቫይረስ አይነቶችም በምን መነሻነት ሊፈጠሩ እንደቻሉ የሚጠቁም ነው፡፡ 




© Big Think   













Short info

× Chat