askwala.com - የአየር ብክለትን መቆጣጠር የሚያስችል የመንገድ ዳር አጥር
Header







የአየር ብክለትን መቆጣጠር የሚያስችል የመንገድ ዳር አጥር

Image name: 155951161_3756720631102661_377200539416683567_n.jpg

የሰው ልጆችን አስከፊነቱ እያየለ ከመጠው የአየር ብክለት መታደግ የሚያስችል እንደ ማንኛውም የመንገድ ዳር አጥሮች የመንገድ ጠርዞችንና እጥፋቶችን ተከትሎ ሊተከል የሚችል ልዩ ቴክኖሎጂን ተመራማሪዎች መስራታቸው ተነገረ፡፡ ይህን የ21ኛው መቶ ክፍለ ዘመን ችግር ለመፍታት ተመራማሪዎች የማያቋርጥ ትግል እያደረጉ ነው፡፡ ከእነዚህ መካከል ችግሩን መፍታት የሚያስችሉ የፈጠራ ስራዎችን ማበልጸግ አንዱ ነው፡፡
በለንደን ኢምፔሪያል ኮሌጅ የሚሰሩ ተመራማሪዎች የአየር እንቅስቃሴን ተከትለው በካይ ቅንጣቶች መንገደኞችን እንዳያገኙ የሚያችሉ የመንገድ ዳር አጥሮችን ሰርተው አቅርበዋል፡፡ በአሁኑ ሰዓት በገንዘብ ማጣት ወይም በድህነት ምክያት ከሚመጡ የጤና ቀውሶች በላይ በተበከለ አየር ምንያት የሚከሰቱ የጤና መታወኮች እያየሉ መጥተዋል፡፡ ጥናቶች እንደሚያመለክቱት ህጻናት በቁመታቸው ምክንያት ለምድር እጅግ ቅርብ በመሆናቸው ለተበከለ አየር የመጋለጥ እድላቸው ከፍተኛ ነው፡፡
በኢምፔሪያል ኢንቫይሮሜንታል ፖሊሲ ማዕከል የምትሰራው ዶክተር ቲሊ ኮሊንስ በለንደን አንድ መንገድ ዳር ያለ ትምህር ቤት ውስጥ የሚማር ልጇ ሜዳ ላይ ሲጫወት ለተበከለ አየር መጋለጡን ከተመለከተች በኋላ ለችግሩ መፍትሔ ለማበጀት ያሰበችው፡፡ ወዲያውም ዶክተሯ በአፋጣኝ መሰራት ስለሚቻለው ነገር ማሰብ ጀመረች፡፡ በዚህም የመንገድ ዳር አጥሮች በካይ ቅንጣቶች በከባቢ አየር ውስጥ እንዳይቆዩ ማድረግ የሚቻልበትን መንገድ ማጥናት ጀመረች፡፡ በጥናቱም እጥፋት ያላቸው የመንገድ ዳር አጥሮች ከመኪኖች የሚወጡ በካይ ጋዞች በቀጥታ ወደ እግረኞችና ሌሎች ተጓዦች እንዳይሔዱ አቅጣጫ ማስቀየር እንደሚችሉ አረጋግጣለች፡፡
አጥኝዎቹ የጥናቱን ውጤት ባሳወቁበት ወቅት እጥፋት ያላቸው የመንገድ ዳር አጥሮች የተለያዩ በካይ ቅንጣቶችን ወደመጡበት አቅጣጫ እንዲመለሱ በማድረግ በመንገድ ግራና ቀኝ ያሉ የእግረኛ መንገዶችና ሌሎች ቦታዎች ከብክለት ነጻ እንዲሆኑ ማድረግ እንደሚያስችሉ አሳውቀዋል፡፡ ምንም እንኳን ከመንገድ ጋር በተያያዙ የተለያዩ ችግሮች ምክንያት የተግባራዊነት ክፍተት ይገጥመዋል ብለው ተመራማሪዎቹ ቢያስቡም ግኝቱ በሰዎች በተለይም በህጻናት ጤና ላይ ከፍተኛና የቅርብ ጊዜ ለውጥ ማምጣት የሚያስችል ነው ብለዋል፡፡ 

















Short info

× Chat