askwala.com - ኦቲዝም ቸል ሊባል የማይገባው የጤና እክል
Header







ኦቲዝም ቸል ሊባል የማይገባው የጤና እክል


አብዛኛው ህዝብ ኦቲዝምን በቅርብ አመታት ውስጥ የተከሰተ የበሽታ አይነት አድረጎ ቢወስደውም ባለሙያዎች ግን ረዘም ላሉ ጊዚያት እንደነበር ያስቀምጣሉ፡፡ በተለይም በአስራ ዘጠነኛው ክፍለ ዘመን የመጀመሪያ አመታት ላይ "autism" የሚለው ስያሜ ራሳቸውን የሚያገሉ፣ በራሳቸው ሃሳብ የሚዋጡ እና ከሰው የተለየ ፀባይ የሚታይባቸውን ታካሚዎች ለመግለፅ እንደዋለ ባለሙያዎች ያስረዳሉ፡፡ በሽታው በዚህ ስያሜ ከታወቀ በኋላም በሰፊው ህዝብ ደረጃ ብዙም የማይታወቅ እና ይልቁንም በመላምቶች እና በተሳሳቱ የባህል እሳቤዎች የታጠረ የበሽታ አይነት መሆኑ በሚገባው ደረጃ ያልተነገረ እና የግንዛቤ ስራ ያልተሰራለት ያደርገዋል፡፡
ኦቲዝም (Autism) የቃሉ መሰረት Autos ከሚለው የግሪክ ቃል ሲሆን ትርጉሙም ራስ (Self) እንደማለት ነው፡፡ ይህ ችግር ያለባቸው ሰዎች ራሳቸውን ከሌላው ማህበረሰብ በማግለል የራሳቸውን አለም እንደሚፈጥሩ ለማመልከት የተወሰደ ቃል ነው፡፡ ኦቲዝም ቋሚ የሆነ የማህበራዊ ተግባቦትና ግንኙነት ችግር ሲሆን፤ አዕምሮ በሚፈለገው ደረጃ ለህይወት ወሳኝ የሚባሉ ክህሎቶችን ማሳደግ እና መበልፀግ ሳይችል ሲቀር ማለት ነው፡፡ ኦቲዝም በአብዛኛው ከ2 ዓመት የሚጀምር ወይም የሚታይ ሲሆን ከሴቶች ይልቅ ወንዶች ላይ በብዛት ይስተዋላል፡፡
ይህ የጤና እክል በተለያዩ የማህበረሰብ ክፍሎች ዘንድ እጅግ የተራራቀ እና ብዛታ ያላቸው የተሳሳቱ አመለካከቶች ቢራመዱበትም በዋናነት የሚጠቀሱት ግን ኦቲስቲክ ሰዎች አደገኞች ናቸው ብሎ ማሰብ፣ ፈፅሞ ሊሻሻሉ እንደማይችሉ መገመት እና ማውራት አይችሉም ብሎ መደምደም ዋነኞቹ አስቤዎች ሲሆኑ ከዚያ ባለፈም ኦቲስቲክ ሰዎች ሌሎችን ሊጎዱና ሊያጠቁ ይችላሉ የሚሉት የተሳሳቱ አስተሳሰቦች ለችግሩ ተጠቂዎች እንክብካቤና ፍቅርን እንዳንሰጥ መሰናከል የሚሆኑ ጉዳዮች ናቸው፡፡
ኦቲዝም አንዳንዶች እንደሚሉት በራሱ በሽታ ሳይሆን የተለያዩ ጥምር የህመም አይነቶች ከሰው ልጅ ተለምዷዊ የአኗኗር ፀባይ ወጣ ያለ ፀባይ እንዲኖረን ሲያደርጉ የሚከሰት ችግር በመሆኑ የተሳሳቱ እሳቤዊችን በማጥራት ይበልጥ ስለችግሩ መመርመር ከተቻለ በቀላሉ መፍትሄ ማምጣት እንደሚቻል ያስረዳሉ፡፡ በተለይም በተጠቂዎቹ ላይ ከሚታዩት የተለያዩ ስሜቶች አንፃር ችግሩ ዝብርቅርቅ ያለ ቢመስልም ጊዜ ሰጥተን ካጠናነው መረዳቱ ብዙም አስቸጋሪ አይሆንም ይላሉ፡፡ ኦቲስቲኮች 90 ከመቶ ያህሉ እንደ ጤናማ ሰዎች ህይወታቸው ወደ ውጭ ሳይሆን ወደ ውስጣቸው በመንፀባረቁ እንደሌሎች የተሟላ ኑሮ አይኖሩም የሚለው አስተሳሰብ ፈፅሞ ስህተት መሆኑን በተደጋጋሚ የተሰሩ ጥናቶች አመላክተዋል፡፡ 




© Big Think እና Tech science   













Short info

× Chat