askwala.com - ኢትዮጵያ በአየርላንድ ተከፍቻለሁ አለች
Header







ኢትዮጵያ በአየርላንድ ተከፍቻለሁ አለች


አየርላንድ የተባበሩት መንግስታት የጸጥታው ምክር ቤት በኢትዮጵያ ላይ እንዲወያይ ማድረጓ እና አለም አቀፍ ጫና እንዲደርስባት መስራቷ አስከፍቶናል ሲል የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ገለጹ።
ኢትዮጵያ በአየርላንድ የሚገኝ አምባሳደሯን ለመመካከር ጠርታለችም ብለዋል፡፡
የውጭ ጉዳይ ሚኒስቴር በሳምንቱ የተከናወኑ ዲፕሎማሲያዊ ስራዎችን ለመገኛኛ ብዙሀን ያብራሩት አምባሳደር ዲና ሙፍቲ፣ ኢትዮጵያ እና አየርላንድ ረጅም ጊዜ ያስቆጠረ የሁለትዮሽ ወዳጅነት እንደነበራቸው አስታውሰው፤ ይሁን እንጂ አሁን ላይ አየርላንድ ኢትዮጵያ አለም አቀፍ ጫና እንዲደርስባት መስራቷ ተገቢ አይደለም ብለዋል፡፡
በሳምንቱ በሰሜን አሜሪካና አውሮፓ የሚኖሩ ኢትዮጵያውያንና ትውልደ ኢትዮጵያውያን በሰሜን በትግራይ ያለው በመንግስት አጠራር "የህግ ማስከበር" ነገስ ግን ጦርነት ደግፈው መውጣታቸው በአለም አቀፉ ማህበረሰብ ዘንድም ሌላ እይታ እንዲኖር ያደርጋል ብለዋል፡፡
ሳምንቱ ከ40 ሃገራት የተውጣጡ አምባሳደሮች ወደ ትግራይ እንዲጓዙ መደረጉንና አምባሳደሮቹም በክልሉ የተመለከቱትን ለወከላቸው ሀገር እንደሚያሳውቁ ተገልጿል፡፡
በየመን እስር ቤት ውስጥ በተፈጠረ አመፅና የእሳት አደጋ 43 ሰዎች የሞቱ ሲሆን፣ ከነዚህ ውስጥ የኢትዮጵያውያን ማንነትን ለማጣራት መንግሥት እየሰራ ይገኛልም ነው የተባለው፡፡ 

















Short info

× Chat