askwala.com - ጋዜጣዊ መግለጫ
Header







ጋዜጣዊ መግለጫ


ብሔራዊ የደረጃዎች ምክር ቤት 285 የኢትዮጵያ ደረጃዎችን አፀደቀ፡፡
የኢትዮጵያ የደረጃዎች ኤጀንሲ የኢትዮጵያ ብሔራዊ ደረጃዎችን በማዘጋጀት አምራቾችና አገልግሎት ሰጪዎች ደረጃዎችን በመጠቀም በጥራት ተወዳዳሪ የሚሆኑበትን የመረጃና የግንዛቤ ማስፋፋት ስራ ከመስራት በተጨማሪ የሥልጠናና የቴክኒክ ድጋፍ ይሰጣል፡፡ በመሆኑም አገሪቱን ከድህነት ለማውጣት በሚደረገው ሰፊ ርብርብ ውስጥ ተሳታፊ በመሆን ለአገራችን ብልፅግና እና ስኬት የበኩሉን ድርሻ በመወጣት ላይ ይገኛል፡፡
በዚሁ መሠረት ኤጀንሲው ከሚመለከታቸው ባለ ድርሻ አካላት የተውጣጡ ብሔራዊ የደረጃ ዝግጅት ቴክኒካል ኮሚቴ ጋር በመሆን ያዘጋጃቸውን የኢትዮጵያ ደረጃዎች እንዲያፀድቅ ሥልጣን ለተሰጠው የብሔራዊ ደረጃዎች ምክር ቤት አቅርቦ፣ ምክር ቤቱም ታህሳስ 27 ቀን 2013 ዓ.ም ባካሄደው 30ኛው የደረጃዎች ምክር ቤት ስብሰባ በስድስት ዘርፎች ተዘጋጅተው የቀረቡለትን 289 ረቂቅ ደረጃዎችን በመወያያት 285ቱ ደረጃዎች ብሔራዊ ደረጃዎች እንዲሆኑ ተወስኗል፡፡ ከፀደቁት ደረጃዎች ውስጥ 148 አዲስ ሲሆኑ 44 ደረጃዎች የተከለሱ ፣93 ደረጃዎች በማስቀጠል፣በድምሩ 285 የኢትዮጵያ ደረጃዎችን አፅድቋል፡፡
በዚሁ መሠረት የፀደቁት የኢትዮጵያ ደረጃዎች የሚከተሉት ናቸው፡-
• በግብርና ምግብ የደረጃ ዝግጅት ዘርፍ 14 አዲስ (New) ፣ 4 የተከለሰ (Revision)፣ በድምሩ 18 የኢትዮጵያ ደረጃዎች፤
• በመሠረታዊና አጠቃላይ የደረጃ ዝግጅት ዘርፍ 23 አዲስ( New) ፣1 የተከለሰ (Revision)፣ 4 በማስቀጠል፣ በጠቅላላው 28 የኢትዮጵያ ደረጃዎች ፤
• በኬሚካልና ኬሚካል ውጤቶች የደረጃ ዝግጅት ዘርፍ 17 አዲስ (New)፣13 በክለሳ፣ 42 በማሰቀጠል(Reaffirmation) ፣በድምሩ 72 የኢትዮጵያ ደረጃዎች ፤
• በኮንስትራክሽንና ሲቪል ኢንጂነሪንግ 19 አዲስ ( New)፣13 የተከለሱ (Revision)፣ 47 በማስቀጠል (Reaffirmation)፤ በድምሩ 79 የኢትዮጵያ ደረጃዎች፤
• በኤሌክትሮ ሜካኒካል የደረጃ ዝግጅት ዘርፍ 69 አዲስ (New)፤በድምሩ 69 የኢትዮጵያ ደረጃዎች፤
• በአካባቢና ጤና ደህንነት የደረጃ ዝግጅት ዘርፍ 6 አዲስ (New)፣13 በክለሳ (Revision)፣ በድምሩ 19 የኢትዮጵያ ደረጃዎች ፤ በጠቅላላው 285 የኢትዮጵያ ደረጃዎች በዕለቱ እንዲፀድቁ ተወስኗል ፡፡
በጠቅላላው በስድስቱ ሴክተሮች 285 የኢትዮጵያ ደረጃዎች ሲሆኑ ከነዚህ ውስጥ 148 አዲስ (New) 44 የተከለሱ (Revision) 93 በማስቀጠል (Reaffirmation) በድምሩ 285 የኢትዮጵያ ደረጃዎች ፀድቀዋል፡፡
በአጠቃላይ የፀደቁት የኢትዮጵያ ደረጃዎች ከሐገራዊ የልማት ስትራቴጂ ጋር የተቃኙ በተለይም ለብልፅግና ጉዞአችን ከተቀመጡት የትኩረት አቅጣጫዎች ጋር የተገናዘቡ፣ ለአገሪቱ የኢኮኖሚ እድገት ከፍተኛ ሚና የሚኖራቸው ፣ የምርቶችንና የአገልግሎቶችን እንዲሁም ተያያዥ ጉዳዮችን ጥራት ከማሻሻልና ከማረጋገጥ አንፃር ለኢንዱስትሪው ክፍለ ኢኮኖሚ በተለይም ለማኑፋክቸሪንግ ኢንዱስትሪና ለንግድ የተወዳዳሪነትን አቅም ለማጎልበት ይረዳሉ፣ ለቴክኖሎጂ ሽግግር ኢኖቬሽን የዕውቀት ምንጭ በመሆን ክህሎትን ለማሳደግ ጉልህ ሚና ይኖራቸዋል፡፡ከዚህ በተጨማሪም ከህብረተሰቡ ጤናና ደህንነት ፣ከአካባቢ ጥበቃ እና የሸማቾችን ጥቅም ከማስጠበቅ አኳያ ጉልህ አስተዋፅኦ ሊያበረክቱ ይችላሉ፡፡በመሆኑም አምራቾችና አስመጪዎች ደረጃዎቹ መኖራቸውን አውቀው ደረጃዎቹን በመጠቀም የምርቶቻቸውን ጥራት በማሻሻል እና ጥራታቸውን ያሟሉ ሸቀጦች ወደ አገር ውስጥ በማስገባት ወይም ወደ ውጪ በመላክ ለአገር ኢኮኖሚ አስተዋፅኦ እንዲያደርጉ ጥሪያችንን እያስተላለፍን ደረጃዎቹን ለማግኘትና በመጠቀም ረገድ የሚስፈልግ የመረጃ፣ የስልጠናና ቴክኒክ ድጋፍ አገልግሎቶችን ኤጀንሲው የሚሰጥ በመሆኑ በአገልግሎቱ ተጠቃሚ እንዲሆኑ ጥሪያችንን እያስተላለፍን ደረጃዎቹንም ከኤጀንሲው የዶክመንቴሽን ማዕከል ማግኘት እንደሚችሉ እንገልፃለን፡፡ 

















Short info

× Chat