askwala.com - የሽቅብ እርሻ አስፈላጊነት
Header







የሽቅብ እርሻ አስፈላጊነት

Image name: Vertical farming.jpg

አንደአለም የምግብ እና የግብርና ድርጅት ዘገባ በ2019 ብቻ ከ124 ሚሊዮን በላይ ሰዎች ከአየር ሁኔታ መዛባት ጋር በተያያዘ ለረሀብ አደጋ ተጋልጠዋል። እንዲሁ የተባበሩት መንግስታት ድርጅት ባወጣው መረጃ በየአመቱ 83 ሚሊዮን ሰዎች ይህችን አለም ይቀላቀላሉ። ይህም የምግብ ፍላጎትን በእጅጉ መጨመሩ እሙን ነው።
በ2040 በአለማችን ለግብርና የሚሆን ቦታ አሁን ካለበት 2 በመቶ ብቻ ነው የሚጨምረው፤ ከዚህ ሲያልፍም በፍጥነት እየጨመረ የመጣው የአለም የህዝብ ብዛት ችግሩን ይበልጥ አሳሳቢ ያደርገዋል። ከዚህም አኳያ በቀጣይ ለሚኖረው ከፍተኛ የሆነ የከተማ ህዝብ ቁጥር በመደበኛ ግብርና ብቻ መሸፈን ከባድ ነው። ይህንንም ለመቅረፍ የሽቅብ እርሻ ቴክኖሎጂን መጠቀም የግድ ይላል።
ሽቅብ እርሻ ለንግድ የሚሰራ የእርሻ አይነት ሆኖ እፅዋት፣ እንስሳት፣ ፈንገስ እና ሌሎች ህይወት ያለቸው ለምግብና ለነዳጅ እንዲሁም ለአልባሳት ስራ የሚሆኑ ግብዓቶችን እና ሌሎች ምርትና አገልግሎት የሚሰጡ የእርሻ ውጤቶችን ሽቅብ እርስ በእርስ በመደራረብ በሰው ሰራሽ መንገድ መንከባከብና ማልማት ነው። በተጨማሪም አትክልቶችን በተገቢው መንገድ ብርሃን ሊያገኙ የሚችሉበትን እንደ ናኖ እና ኤልሲዲ ያሉ የቴክኖሎጂ አማራጮችን በመጠቀም በትልልቅና ግዙፍ ህንፃዎች ገንብቶ ተደራራቢ እርሻን የማከናወኛ ዘዴ ነው።
ይህ ቴክሎጂ ከመደበኛው የእርሻ አይነት በተሻለ መልኩ በአየር ንብረት መለዋወጥ ምክንያት በሰብሎች ላይ የሚደርሰውን ጉዳት ያስቀራል። ለማቀዝቀዣ፣ ለማጓጓዣ፣ ለትራንስፖርትና ለፀረ አረም እንዲሁም ለፀረ ተባይ የሚወጣውን ወጪ ይቀንሳል። ከዚህም ባለፈ ለመደበኛው እርሻ አገልግሎት ላይ የሚውለውን ውሃ 70 በመቶ ይቀንሳል። ይህ ደግሞ ውጤታማ የእርሻ ዘዴ ያስብለዋል። ሽቅብ እርሻ አስተማማኝና ከሰው ንክኪ የነፃ ከመሆኑ ጋር ተያይዞ የመበላሸት እድሉ ዝቅተኛ ነው። ውጤታማ የሆነ የቦታ አጠቃቀም እንዲኖር ከማድረግ አንፃር፣ የአለም የሙቀት መጠን ከመቀነስ አንፃር እንዲሁም ውሃን በአግባቡ ለማስተዳደርና ለመልሶ ከመጠቀም ረገድ ከፍተኛ ፋይዳ አለው። 




© Frontierinternet   













Short info

× Chat