askwala.com - የኮንቨርጀንስ ሳይንስ ጥናትና ምርምር
Header







የኮንቨርጀንስ ሳይንስ ጥናትና ምርምር


በርካታ ሰዎች ኮንቨርጀንስ ሳይንስ (Convergence science) ለፈጠራ መሰረት ወይም ፈር ቀደጅ ነው ይሉታል። የኢንፎርሜሽን ቴክኖሎጂ፣ ማቴሪያል ሳይንስ፣ ናኖ ቴክኖሎጂ፣ ኦፕቲክስ፣ ኳንተም ፊዚክስ፣ ኮምፒውቲንግ፣ ሲሙሌሽን እና ሞዴሊንግ የመሳሰሉ ዘርፎች በማደጋቸው የተነሳ ሙሉ ለሙሉ የፊዚካል ሳይንስን ሊቀይር ችሏል። አሁን ላይ ደግሞ የፊዚካል ሳይንስ በመቀየሩ የህይወት ሳይንስን እየቀየረው ይገኛል። ኮንቨርጀንስ ሳይንስ ቴክኒካዊ መሣሪያዎች፣ የተለያየ ሙያዊ ቅርጾች (ምህንድስና፣ ፊዚክስ) በህይወት ሳይንስ ጥናት ላይ ተግባራዊ ይደረጋሉ። ኮንቨርጀንስ ሳይንስ አንድ ቀጥተኛ መንገድ ብቻ አይደለም። የፊዚካል ሳይንስ የህይወት ሳይንስን እየቀየረ እንዳለ ሁላ በተቃራኒው የህይወት ሳይንሱ ፊዚካል ሳይንሱን በመቀየር ላይ ይገኛል። የባዮ ፊውል፣ ባዮ ማቴሪያል እና ቫይራል ሰልፍ አሴምብሊ ፊዚካል ሳይንስን በመቀየር ላይ የሚገኙ ጥቂት የህይወት ሳይንስ ምሳሌዎች ናቸው።
ኮንቨርጀንስ ሳይንስ የሳይንቲፊክ ምርምር አሰራር ሰፊ አስተሳሰብ ነው። በአንድ ዘርፍ ላይ ከማተኮር ይልቅ የተቀናጀ የምርምር አሰራር ላይ ያተኩራል። ኮንቨርጀንስ ሳይንስ በአንድ ዘርፍ ላይ ብቻ ስፔሻላይዝ ከማድረግ ወይም በአንድ ዘርፍ ላይ ከመብቃት ይልቅ መልቲ ዲሲፕሊን ስፔሻላይዜሽን የሚፈልግ ሳይንስ ነው። ይህም አንድ የህክምና ባለሙያ የአይሲቲ ባለሙያ፣ መሃንዲስ፣ የኤሌክትሮኔክስ ባለሙያ፣ የፊዚክስ ባለሙያ ወይም ሌላ የኬሚስትሪ ባለሙያ እንዲሆን የሚጠይቅ ዘርፍ ነው።
ከኮንቨርጀንስ ሳይንስ ጠቀሜታዎች መካከል ኮንቨርጀንስ ጥናትና ምርምር ለማካሄድ ወይም ለመፍጠር ነው። ከላይ ለመግለጽ እንደተሞከረው የተለያዩ ዘርፎች አንድ ላይ በመጣመር የሚሰሩ ተግባራት ከፍተኛ ጥቅም አላቸው። ጥናትና ምርምር ደግሞ አዲስ እና ችግር ፈቺ የሆኑ ነገሮችን ለመፍጠር ትልቅ ድርሻ እንዳለው እሙን ነው። የኮንቨርጀንስ ጥናትና ምርምርም ከተለያዩ ዘርፎች የተሰባጠሩ ሙያተኞች/ ምሁራንን በመያዝ ችግር ፈቺና አዲስ የሆኑ ስራዎችን ይሰራል። ኮንቨርጀንስ ጥናት በአንድ ዘርፍ ስፔሻላይዝ ባደረገ ሰው ብቻ መሰራት አይችልም። የኮንቨርጀንስ ጥናትና ምርምርን ለማከናወን ሁለት እና ከዛ በላይ የሆኑ ዘርፎች በአንድ ላይ መጣመር ግድ ይላል። በተለያዩ አለማት ዙሪያ ኮንቨርጀንስ ጥናትና ምርምር አሰራር በርካታ ተመራማሪዎች/ ሙያተኞች/ ሳይንቲስቶች አንድ ላይ በመሆን ይሰራሉ። ይህም አለማችንን አዲስ ወደሆነ ምዕራፍ እያሸጋገራት የሚገኝ እና ትኩረት የሚሻ የጥናትና ምርምር አይነት ነው። 




© Innovation Management   













Short info

× Chat