askwala.com - ሌሊቱን ያለእንቅልፍ ማሳለፍ በፕሮቲኖች ላይ ችግር ሊኖረው ይችላል
Header







ሌሊቱን ያለእንቅልፍ ማሳለፍ በፕሮቲኖች ላይ ችግር ሊኖረው ይችላል

Image name: sleeping.jpg

በእኛ በሰዎች የሰውነት አሰራር ውስጥ የፕሮቲኖች ወሳኝነት እንዲህ በቀላሉ የሚነገር አይደለም፡፡ በሰውነታችን ውስጥ ያለ ፕሮቲን እና ከምንመገበው ምግብ የምናገኘውን ፕሮቲን የማምታት ሁኔታ አለ፡፡ ሁለቱ ፕሮቲኖች በጥቂቱ የሚያገናኛቸው ነገር ሁለቱም አሚኖ አሲድ መያዛቸው ቢሆንም መሰረታዊ ባህሪያቸው ግን እጅግ የተለያያ ነው፡፡
ሳይንቲስቶች በስነ ህይወት እሳቤ ውስጥ ስለፕሮቲን ሲያወሩ በሰውነት መዋቅራችን ውስጥ ሁሉን ነገር ስለሚያከናውኑት እና ጤነኛ ሆነን እንድንራመድ ስለሚያስችሉን እጅግ ጥቃቅን ስለሆኑ ወስብስብ ሞሎኪውሎች ነው፡፡ በኮሎራዶ ቡልደር ዩኒቨርስቲ የተከናወነው አዲሱ የሳይንቲስቶች ምርምር ሰዎች በ24 ሰዓት ውስጥ በሚተኙበትና በሚመገቡበት ወቅት በደማቸው ውስጥ የሚገኘው የፕሮቲን መጠን እንዴት እንደሚቀያየር ለማየት ያስቻለ አዲስ ምርምር ነው፡፡ በዚህም መነሻነት ተመራማሪዎቹ በጥናቱ ለማሳየት እንደሞከሩት ሰዎች ሌሊቱን ሙሉ ያለእንቅልፍ በሚያድሩበት ጊዜ ከመቶ በላይ ለሚሆኑ የፕሮቲን አይነቶች በደም ውስጥ ለሚኖራቸው ቅርፅ ወይም ፓተርን የመፋለስ ምክንየት ይሆናል፡፡
በምርምሩ ላይ ስድስት የሚሆኑ ፍቃደኛ ሰዎች የተሳተፉ ሲሆን በዩኒቨርስቲው በሚገኝ የምርምር ማዕከል ለስድስት ቀናት እንዲቆዩ ከተደረገ በኋላ የአመጋገብ ሁኔታቸው፣ የሚተኙበት ሰዓት እና በሚያደርጉት እንቅስቃሴ ላይ ጥብቅ ቁጥጥር ሲደረግ ነበር፡፡ በተጨማሪም የሰዎቹን 1,129 የሚሆን የተለያየ የፕሮቲን አይነት የእንቅስቃሴ ሁኔታ ለመረዳት ሲባል የደም ናሙናቸውን በየአራት ሰዓት ለመውሰድ ተሞክሯል፡፡ በዚህም ሂደት ለሁለት ቀን ከቆዩ በኋላ በሶስተኛው ቀን አሰራራቸውን በመቀየር ቀን ለስምንት ሰዓታት እየተኙ ሌሊቱን ያለእንቅልፍ እንዲያድሩና እንዲመገቡ ተደርጓል፡፡ በውጤቱም 129 የሚሆኑ የፕሮቲን አይነቶች በማታው ሺፍት የተነሳ በቅርፃቸው ላይ የመነጠል ወይም የመፋለስ ነገር ታይቶባቸዋል፡፡
ምርምሩን በቀዳሚነት ሲመሩት ከነበሩት መካከል አንዱ የሆኑት ክርስቶፎር ዴፕነር ስለሁኔታው ሲገልፁ በቀንና ማታ በሚኖረው የእንቅልፍ ወይም የአመጋገብ ለውጥ፤ ወሳኝ የሆኑ የፕሮቲን አይነቶች በመፋለስ (disruption) ምክንያት ለችግር እንደሚጋለጡ ተናግረዋል፡፡ እንደ ምሳሌም ሲገልፁ በደም ዝውውር ላይ ጉበት የሚረጨውን ከፍተኛ መጠን ያለው ስኳር የሚያስገኝው ግሉኮን (glucagon) የተሰኘው ፕሮቲን በዚህ ችግር ምክንያት የዲስረፕሽን ባህሪ ማሳየቱን ይናገራሉ፡፡ ከዚህ ጋር ተያይዞ ረዘም ላሉ ጊዚያት ያለእንቅልፍ በማደር የሚያሳልፉ ሰዎች ከሌሎች በተለየ የስኳር መጠናቸው ዝቅ የማለትና እና መሰል ተያያዥ ችግሮች ሊየጋጥሟቸው ስለሚችል የለሊት እንቅልፍን በተቻለ አቅም ማግኘት አስፈላጊ እንደሚሆን ተመራማሪዎች ይናገራሉ፡፡ 




© Tech Explorist   













Short info

× Chat