askwala.com - አስለቃሽ ጋዝ (ጭስ) ምንድን ነው?
Header







አስለቃሽ ጋዝ (ጭስ) ምንድን ነው?

Image name: tear gas.jpg

አለማችን በተለያዩ ጊዜያት እና በተለያዩ ምክንያቶች የተለያዩ ህዝባዊ ተቃውሞዎችን አስተናግዳለች፡፡ ከእነዚህም መካከል በቅርብ ጊዜያት ውስጥ የታዩትን እንደ ዘረኝነት፣ የጸጥታ አካላትን ተገቢ ያልሆነ የሀይል አጠቃቀምና የጆርጅ ፍሎይድን ሞት ምክንያት በመቃዎም በአሜሪካ የተካሄዱትን ማንሳት ይቻላል፡፡ በእነዚህ ተቃውሞዎች ከፍተኛ ቁጥር ያለው ህዝብ የተሳተፈ ሲሆን ተቃውሞውን ለመቆጣጠር ከጸጥታ አካላት በኩል አስለቃሽ ጋዝ መልቀቅ የተለመደ ነው፡፡ ለመሆኑ አስለቃሽ ጋዝ ምንድን ነው? እንዴትስ አደገኛ ሊሆን ቻለ?
አስለቃሽ ጋዝ ለመጀመሪያ ጥቅም ላይ የዋለው በአንደኛው የአለም ጦርነት (1914-1918) ወቅት ሲሆን ጥቅም ላይ ያዋሉትም የፈረንሳይ ወታደሮች ናቸው፡፡ በወቅቱ የፈረንሳይ ጦር በተለያዩ ቦዮች የሚርመሰመሰውን የተቃራኒ ጦር ለመመለስ ተጠቅመውበታል፡፡ ይሁን እንጂ በ1997 በተደረገ አንድ ስምምነት መሰረት ይህን ጋዝ አለማቀፍ በሆኑ ግጭቶችና ጦርነቶች መጠቀም የተከለከለ ነው፡፡ በሚያስገርም ሁኔታ ይህ በአለማቀፍ የኬሚካል የጦር መሳሪያ ስምምነት እነዚህ አይነት መሳሪያዎችን በተለያዩ የሐገር ውስጥ አመጾችና የተለያዩ ተቃውሞዎች መጠቀምን አይከለክልም፡፡
እንደ CDC መረጃ ከሆነ አስለቃሽ ጋዝ ወይም ጭስ በሰዎች አይን፣አፍ፣ ጎሮሮ፣ ሳንባ እና ቆዳ ላይ ጉዳት ለሚያደርስ ኬሚካል የተሰጠ ለጀሮ የተመቸ ስም ነው፡፡ ጋዙን ለማዘጋጀት በብዛት ጥቅም ላይ የሚውሉት CS gas የሚባለው (chlorobenzylidenemalononitrile) እና CN የሚባለው (chloroacetophenone) የጋዝ አይነቶች ናቸው፡፡ ሌላው በአስለቃሽ ጋዝ ውስጥ የማይጠፋው የበርበሬ ብናኝ ነው፡፡
CS የተባለው ጋዝ በስርዓተ ነርቫችን ህመምን እንድናስተውል የሚያስችለንን TRPA1 የተባለ ህዋስ በማጥቃት ምቾት እንዳይሰማን ያደርጋል፡፡ የዚህን ባእድ ነገር ወደ ሰውነታችን መግባት በሽታ ተከላካይ ህዋሶቻችን በተረዱበት ቅጽበት እንደ ላብና እንባና የአፍንጫ ፈሳሽ ያሉ ማጣሪያዎችን በመጠቀም ጋዙን ከሰውነታችን ለማስወጣት ይጥራሉ፡፡ እነዚህ ፈሳሾች ደግሞ በተፈጥሮ ሳልና የአይን ብዥታ በመፍጠር ለሰውነታችን ምቾት አይሰጡም፡፡
በንድፈ ሀሳብ ደረጃ አስለቃሽ ጭስ ለ30 ደቂቃ የሚቆይ እንባ፣ የአፍንጫ ፈሳሽና ንጥሻ ያስከትላል፡፡ ነገር ግን የጭስ መጠኑ ከፍተኛ ከሆነ ከፍ ላለ አደጋም ሊያጋልጥ ይችላል፡፡ በ2016 በወጣ አንድ የጤና መረጃ እንደተመለከተው ጭሱ ከቅርብ ርቀት የተለቀቀ ከሆነ እንደ የቆዳ ማቃጠል፣ ሽፍታ፣ መታፈን፣ ማስመለስ እንዲሆም መድማት ሊያከትል ይችላል፡፡ ምንም እንኳን ለሞት የማጋለጥ እድሉ አነስተኛ ቢሆንም በዚህ ምንክንያት የሞቱ ሰዎች እንዳሉ ይታመናል፡፡ በሚያገርም መልኩ በቅርብ ጊዜ በአሜሪካ በጸጥታ ሀይሎች ጥቅም ላይ የዋለ አስለቃሽ ጋዝ ለኮቪድ 19 ወረርሽኝ መስፋፋት ምክንያት እንደነበረም ተረጋግጧል፡፡
የጤና ሙያተኞች አንድ ሰው አስለቃሽ ጭስ የተለቀቀበት አካባቢ ላይ ማድረግ ይገባዋል ያሉትን ጥንቃቄ ተናግረዋል፡፡ የመጀመሪያው ነገር ጋዙ ከተለቀቀበት አካባቢ በፍጥነት መልቀቅ ሲሆን በተቻለ ፍጥነት ፊታችንንና ለጋዙ ተጋላጭ የሆነ የሰውነት ክፍላችን በሳሙናና በንጹህ ውሃ መታጠብ በጣም አስፈላጊ ነው፡፡ ጭሱ በነበረበት ወቅት የለበስነውን ልብስም በቶሎ ማውለቅ አስፈላጊ ነው፡፡ ሰውነታችንን ቢያንስ ለ30 ደቂቃ ያክል ወይም የጋዙ ሽታ እስከሚጠፋ ድረስ መታጠብ ይኖርብናል፡፡ 




© Iflscience   













Short info

× Chat