askwala.com - ፋይዘር የመጀመሪያውን በታብሌት መልክ የሚወሰድ የኮቪድ 19 መድሃኒት እየሞከረ ነው
Header







ፋይዘር የመጀመሪያውን በታብሌት መልክ የሚወሰድ የኮቪድ 19 መድሃኒት እየሞከረ ነው

Image name: covid-19 drug.png

ፋይዘር የተሰኘው የመድሃኒት አምራች ተቋም በታብሌት መልክ የሚወሰድ የኮቪድ 19 መድሃኒት ለመስራት ሙከራዎችን እያደረገ እንደሆነ ተነገረ፡፡ በህክምና ዘርፍ ከማከም ይልቅ መከላከል የሚባለው መንገድ እጅግ ተመራጭ ነው፡፡ በተለይ እንደ ኮቪድ 19 ላሉ ተላላፊ ወረርሽኞች ከማከም ይልቅ መከላከል መድሃኒት ከመፈለግ ይልቅ በሽታው እንዳይሰራጭ ስራ መስራት በጣም አዋጭ ነው፡፡ እንደሌሎቹ በቫይረስ እንደሚተላለፉ በሽታዎች ሁሉ በኮቪድ የተጠቁ ሰዎችን ለማከም የሚያስችል መድሃኒት አስቸጋሪ ሆኖ ቆይቷል
አንድ አመት ከተቃረበ ጥረት በኋላ በሽታውን ለመቆጣጠር የሚያስችሉ የተለያዩ ክትባቶች መገኘታቸውን ብዙዎችም ክትባቶቹን እየወሰደ እንደሆነ ይታወቃል፡፡ ክትባቶቹ የቫይረሱን ስርጭት የሚከላከሉ እንጂ ታማሚዎችን የሚያግዙ ባለመሆናቸው ብዙዎች አሁንም በከፍተኛ ስወቃይ ውስጥ ሆነው እየሞቱ ነው፡፡ ፋይዘር የተሰኘው የመድሃኒት አምራች ድርጅትም ይህን የህሙማንን ስቃይ ሊያቀልና ከበሽታቸው እንዲያገግሙ የሚያግዛቸውን መድሃኒት ነው እየሞከረ ያለው፡፡
አሁን ባለው ህክምና በጽኑ ህሙምነት ላሉ ሰዎች የሚደረገው የህክምና እርዳታ ኦክስጅን እንዲያገኙ በማድረግ ሰውነታቸው በራሱ የበሽታ መከላከል ብቃቱን በማሳደግ እስኪያገግሙ መጠበቅ ነው፡፡ ይህ ግን ሁል ጊዜ አዋጭ አይሆንም ለዚህም ነው ብዙዎች ኦክስጅን እንኳን እያገኙ እንደ ቅጠል እየረገፉ ያሉት፡፡ ይህን ያስተዋሉ ተመራማሪዎች ያለ እረፍት ለህሙማን ድጋፍ የሚሆን መድሃኒትን በመፈለግ ላይ ናቸው፡፡ በዘርፉ ፋይዘር የተሸለ እንቅስቃሴ እያደረገ ይመስላል፡፡ ለዚህም በታብሌት መልክ የሚወሰድ መድሃኒትን እየሞከረ መሆኑ ማሳያ ነው፡፡
መድሃኒቱ አሁን ላይ በቤልጀም ብራሰልስ የመጀመሪያ ደረጃ ክሊኒካዊ ሙከራ እየተደረገበት ሲሆን መድሃኒቱም ቫይረሱ በሰውነታችን ውስጥ ለመራባት የሚጠቀምበትን ኢንዛይም በመለየት የሚያጠቃ ነው፡፡ እንደ ፋይዘር መረጃ ከሆነ ይህ PF-07321332 የተሰኘ ክኒን (ታብሌት) በሽታው በሰውነታችን እንደገባ ወይም እንደያዘን ወዲያው የሚወሰድ ነው፡፡
ታማሚዎች የመጀመሪያው የህመም ስሜት እንደተሰማቸው ወደ ተጨማሪ ህክምና ሳይሔዱ መድሃኒቱን ሊወስዱት እንዲችሉ ታስቦም የተሰራ መሆኑን ድርጅቱ ተናግሯል፡፡ 




© Iflscience   













Short info

× Chat