askwala.com - አፖሎ 11ን ወደ ጨረቃ ያበረረው ዝነኛ የጠፈር ተመራማሪ አረፈ
Header







አፖሎ 11ን ወደ ጨረቃ ያበረረው ዝነኛ የጠፈር ተመራማሪ አረፈ

Image name: Michael Collins_Apollo 11 pilot_dies at age 90.jpg

አፖሎ 11ድን በማብረር የሰው ልጅ ለመጀመሪያ ጊዜ ጨረቃ ላይ እንዲያርፍ ያደረገውና የጨረቃን ምስጥራዊ የጀርባ ክፍል በመዞር የመጀመሪያው ሰው የሆነው ማይክል ኮሊንስ በ91 ዓመቱ በካንሰር ህመም ከዚህ ዓለም በሞት ተለየ፡፡
የጠፈር ተመራማሪው ከ50 ዓታት በፊት በተከናወነው ዝነኛ የጨረቃ ተልዕኮ ላይ ብቻውን ለ21.5 ሰዓታት ሰርቶ ነበር፡፡ ሌሎቹ የጠፈር ተመራማሪዎች ጨረቃ ላይ ባረፉበት ሰዓት እርሱ መንኮራኩሩ ላይ ሆኖ ብቻውን ጨረቃን እየዞረ ሳለ ለተወሰነ ጊዜ ግንኙነቱ ተቋርጦ የነበር በመሆኑም ኋላ ላይ “በታሪክ ብቸኛው ሰው” ወይም “the loneliest man in history” የሚል ቅፅል ስም ወጥቶለት ነበር፡፡ በተጨማም የተልእኮ አጋሮቹ ኒል አርምስትሮንግ እና በዝ አልድሪን ጨረቃን ሲረግጡ እርሱ ለዚህ ዕድል ባለመብቃቱ “የተዘነጋው የጠፈር ተመራማሪ” (forgotten astronaut) የሚል ስምንም አግኝቷል፡፡
ታድያ ማይክል ኋላ ላይ በሰጠው ቃለ መጠይቅ ከጨረቃ ጀርባ ሲዞር ብቸኝነት ተስምቶት እንዳልነበር ተናግሯል፡፡ “ከጨረቃ ጀርባ እጅጉን ሰላም ነበር፤ ማንም እየነዘነዘኝና ይህን፣ ያሀንና ሌላኛውን አድርግ እያለኝ አልነበረም” ሲል ሁኔታውን መለስ ብሎ ገልፆታል፡፡ ሆኖም በተልእኮው ይዘዋቸው የሄዷቸው አይጦች ነገር አሳስቦት እንደነበር ግን አልደበቀም፡፡ ታድያ ሚካኤልም ሆነ መላው የጠፈር ተመራማሪዎች ቡድን ወደ ምድር ሲመለሱ አይጦቹ በጉዞው የተለየ ህመም ታይቶባቸው እንደሆን ለመገምገም ለይቶ ማቆያ ውስጥ ገብተው ነበር፡፡
ሚካኤል አፖሎ 11ን እያበረረ ወደ ጨረቃ ከማምራቱ አስቀድሞ 16 ሰዎችን በያዘው የጂሚኒ 10 መንኮራኩር ምድርን ዞሮ ነበር፡፡ በተጨማሪም በአፖሎ 8 ላይ ከነበሩት የጠፈር ተመራማሪዎች ጋር ይደረግ በነበረውን ግንኙነት ውስጥም ትልቅ ሚናን መጫወቱ ይነገርለታል፡፡ 




© Live science   













Short info

× Chat