askwala.com - ማይክሮሶፍት ለመምህራንና ለተማሪዎች አዲስ ነገር
Header







ማይክሮሶፍት ለመምህራንና ለተማሪዎች አዲስ ነገር


አለማችን በኮቪድ ወረርሽኛ ከተጠቃች በኋላ የተለያዩ ፈተናዎች ተጋርጠውባታል፡፡ ከእነዚህ ፈተናዎች መካከል ትምህርት ላይ የወረርሽኙ መስፋፋት ያጠላው ጥላ አንደኛው ነው፡፡ በየሀገራቱ የገጽ ለገጽ የመማር ማስተማር ትምህርቱ ከተቋረጠ ወዲህ የተስተዋለው ችግር ተማሪዎችና መምህራን ትምህርቱን ባሉበት ሆነው ለመቀጠል የሚያስችል አሰራር ስርዓት አለመኖሩ ነው፡፡ የርቀት ትምህርት ከዚህ በፊትም ያለ ቢሆን የተማሪዎችንና የአስተባባሪዎችን ግንኙነት የሚጠይቁ አንዳንድ ጊዜዎች ይፈጠራሉ፡፡ ከዚህም በተጨማሪ የመማሪያ መርጃዎችንና ሌሎች አስፈላጊ ነገሮችን ለመጠቀም እጅግ አስቸጋሪ ነው፡፡
ይህን በኮቪድ ምክንያት ችግሩ ጎልቶ የታየውን የርቀት ትምህርት ዘርፍ ለማገዝ በማሰብ ማይክሮሶፍ የተሰኘው የቴክኖሎጂ ኩባንያ የመማሪያ ግብዐትን እንካችሁ ማለቱ ተሰምቷል፡፡ በአሜሪካ የተከበረውን ብሔራዊ የመምህራን የምስጋና ቀንን ምክንያት በማድረግ ይፋ የተደረጉት የተለያዩ የመስመር ላይ ትምህርቶችን ለመከታተል መምህራንና ተማሪዎችን ለማገዝ የሚያስችሉ የትምህርት አጋዦች ናቸው፡፡
ካምፓኒው እንዳለው ከሆነ 82 በመቶ የሚሆኑ በትምህርት ላይ የተሰማሩ አካላት በኮቪድ 19 ምክንያት የተቋረጠው ትምህር የመስመር ላይ ትምህርት ቴክኖሎጂን እዲያድግ አስችሎታል፡፡ በተጨማሪም እንደዚህ አይነት ቴክኖሎጂዎች በትምህርት ዘርፍ ላይ የተሰማሩ ተቋማትና ሰዎች ለመስመር ላይ ትምህርት ትኩረት እንዲሰጡ ያስችላቸዋል ተብሏል፡፡ በዘርፉ የመስመር ላይና የርቀት ትምህርት ፍላጎት እያደገ መምጣቱ ከማስተረማር ስነ-ዘዴዎችና ትምህርቱን ቀላል ከሚያደርጉ የቴክኖሎጂ ግብዓቶች አንጻር እድገት መኖሩ አይቀርም ሲል ማይክሮሶፍት እምነቱን ገልጧል፡፡
ማይክሮሶፍት እንደ የማስተማሪያ ስነ-ዘዴዎች፣ ደህንነት፣ የመረጃ ጥብቅነት፣ ተማሪ ተኮርነት፣ ተለኪነትና ማህበረሰባዊነት የመሳሰሉ የትምህርት መለያዎችን ከግምት ውስጥ ማስገባቱን ስላበለጸገው አዲስ ስልተ ትምህርት አስረድቷል፡፡ ከዚህ በተጨማሪም ለመስመር ላይ ትምህርቱ ግብ፣ የግብረ-መልስ መንገዶች፣ ትንተናዎችና አካታችነትን ታሳቢ ማድረጉን አሳውቋል፡፡
ለምሳሌ የተማሪዎችን የንባብ ፍጥነት እና እድገት የሚከታተልና ተማሪዎች የበለጠ እንዲተጉ የሚያደርግ እንዲሁም መምህራን የቡድን ስራዎችን እንዲሰጡና ክንውኑን እንዲከታተሉ የሚያስችላቸው መንገድም እንደተካተተበት ካምፓኒው አሳውቋል፡፡ 




© Tech Xplore   













Short info

× Chat