askwala.com - እናቶች የሚወልዱበትን ቀን በደም ምርመራ ብቻ ማወቅ እንደሚቻል ተገለፀ
Header







እናቶች የሚወልዱበትን ቀን በደም ምርመራ ብቻ ማወቅ እንደሚቻል ተገለፀ

Image name: Blood test could predict when pregnant women will give birth.jpg

ብዙ ነፍሰጡር ሴቶች ልጃቸውን የሚወልዱበትን ቀን በጉጉት ይጠባበቃሉ፡፡ ምንም እንኳን በህክምናው ዓለም የአንድ እርግዝና ርዝማኔ ፅንሱ ከተቀፀነሰበት እለት አንስቶ ለ40 ተከታታይ ሳምንታት መሆኑ የተቀመጠ ቢሆንም አንዳንድ እናቶች ግን ከዚህ ባጠሩ ሳምንታት ሌሎቹ ደግሞ ረዘም አድርገው በእርግዝና ሲቆዩ ይታያል፡፡ ታድያ ሳይንሱ አንድ ቀን ነፍሰ ጡር ሴት ልጇን የምገላገልበትን ትክክለኛ ቀን በደም ምርመራ ብቻ ሊያሳውቃት እንደሚችል አዲስ ጥናት አመላክቷል፡፡
በአሜሪካኑ ስታንፎርድ ዩኒቨርሲቲ የምትሰራው ኢና ስቴልዘር ከሙያ አጋሮቿ ጋር ሆና የሰውነት አካላችን እንዴት ከፅንሱ ለሚመጡ ምልክቶች ምላሽ እንደሚሰጥና እራሱን ለውልጃ እንደሚያዘጋጅ በሚከታተል አዲስ ዘዴ ላይ ምርምር እየሰራች ትገኛለች፡፡ እንደኢና አነጋገር ከሆነ የመውለጃ ቀን የደረሰ ስለመሆኑ ደም ያመላክታል፡፡
የጥናት ቡድኑ ከ53 ነፍሰ ጡር ሴቶች ናሙና በመውሰድ በመጨረሻዎቹ 100 የእርግዝና ቀናቶች ውስጥ የተለያዩ መንገዶችን በመጠቀም ለሦስት ጊዜያት ያህል መርምረዋቸዋል፡፡ አጥኚዎቹ 5 ሺህ ያህል ባዮኬሚካሎችን የተመለከቱና 2 ሺህ ያህል ምርመራዎችንም በደም ውስጥ ባሉ የበሽታ መከላከያ ሕዋሳት ላይ ያደረጉ ሲሆን መጨረሻ ላይ ባገኙት ውጤት መሰረት ልጁ ከመወለዱ ከ2 እስከ 4 ሳምንታትን ቀደም ብሎ በደም ላይ ለውጦች መታየታቸውን ማስተዋል ችለዋል፡፡ ይህም ሲባል የነፍሰ-ጡሮቹ የሆርሞን ቅርፅ ተለውጧል፤ በበሽታ ተከላካይ ህዋሶች ዘንድ ያለው የማቃጠል እንቅስቃሴም ቀንሷል፡፡
አጥኚዎቹ 45 የውስጠ ሰውነት ማመላከቻዎችን (Biomarkers) ተጠቅመው ያበለፀጉትን የትንበያ መንገድ በ10 ሴቶች ላይ ሞክረውታል፡፡ መንገዱ በበኩሉ ነፍሰ ጡር ሴቶቹ በሚወልዱባቸው በ17 ቀናት ውስጥ ልጃቸው ይገላገሉበታል ያለውን ግምታዊ ጊዜ አስቀምጧል፡፡ ሆኖም አጥኚዎቹ አዲሱ መንገድ በተለያዩ እርግዝናዎች ላይ መስራቱን እስካሁን በሙከራ አላረጋገጡም፡፡
አዲሱ መንገድ ስኬታማ የሚሆን ከሆነ ስለ ፅንሱ ሁኔታ ስጋት የገባቸው ሀኪሞችን ሊረዳ ይችላል ተብሎለታል፡፡ 




© New Scientist   













Short info

× Chat