askwala.com - ባለፉት ዘጠኝ ወራት ከ571 ሚሊየን በላይ ኪሎ ዋት ስዓት የሃይል ብክነት መቀነስ ተቻለ
Header







ባለፉት ዘጠኝ ወራት ከ571 ሚሊየን በላይ ኪሎ ዋት ስዓት የሃይል ብክነት መቀነስ ተቻለ


የኤሌክትሪክ ኃይል ቴክኒካል እና ቴክኒካል ባልሆነ መንገድ ሊባክን የሚችል ሲሆን ይህም ከኤሌክትሪክ ማሰራጫና ማከፋፈያ መስመር እርጅና፣ከኔትወርክ አቅም ውስንነት፣ ከመሰረተ-ልማት ጥራት ችግር፣ ከዲዛይን እና ከኢንጂነሪንግ የአሰራር ክፍተት የሚፈጠር ብክነት ቴክኒካል የሃይል ብክነት ይባላል፡፡
ወቅታዊና ትክክለኛ የቆጣሪን ንባብ ካለመውድ፣ከቢሊን ስርዓቱ አለመዘመን፣ ወቅታዊና ትክክለኛ ንባብ ወደ ሲስተም ካለማስገባት፣ክፍያ ሳይፈፅሙ በሚጠቀሙ ደንበኞች፣ የማይቆጥሩ/ የተበላሹ ቆጣሪዎች መኖር፣ ከኢነርጂ ስርቆት እና ከአሠራር ክትትል ክፍተት የሚፈጠር ብክነት ደግሞ ቴክኒካል ያልሆነ ወይም ኮሜርሻል የሃይል ብክነት ይባላል፡፡
የኢትዮጵያ ኤሌክትሪክ አገልግሎት በ2013 በጀት አመት ዘጠኝ ወራት ውስጥ ቴክኒካልና ቴክኒካል ያልሆነ የሃይል ብክነትን ለመከላከል ባደረገው የክትትልና ቁጥጥር ስራ 571ሚሊየን 714 ሺህ 689.8 ኪሎ ዋት ስዓት የኢነርጂ ሃይል ብክነት ወይም 94.8 በመቶ ኤሌክትሪክ ሃይል ከብክነት ማዳን የቻለ ሲሆን ወደ ብር ሲቀየር 135 ሚሊየን 856 ሺህ 871 ብር ማዳን ችሏል፡፡
ተቋሙ የሃይል ብክነቱን መቀነስ የቻለው የኤሌክትሪክ ስርቆትን በመከላከል፣ በትክክል የማይሰሩ፣ የተቃጠሉ፣ የቆሙ ቆጣሪዎች በወቅቱ እንዲቀየሩ በማድረግ፣ የታሪፍ ለውጥ የሚያስፈልጋቸውን ደንበኞች የታሪፍ ለውጥ በማድረግ፣ ቢል የማይወጣላቸው ደንበኞችን ወደ ሲስተም እንደገቡ በማድረግ፣ ያልተፈቀደ የኃይል ጭነት በመቆጣጠር፣ ከቆጣሪው ልኬት ውጪ የተገጠመ አውቶማቲክ ፊዩዝን በመቀየር፣ የዝቅተኛና ከፍተኛ ኢንዱስትሪ ደንበኞች የተገኘ የማባዣ ስህተት በማስተካከል፣ የገቢ ደረሰኝ የሌላቸው እንዲኖራቸው በማድረግ እና የመሳሰሉ ቴክኒካል ያልሆነ የሃይል ብክነትን ለመቀነስ የሚያስችሉ ስራዎችን በመስራት ነው፡፡
ተቋሙ ቴክኒካል የሆኑ የሃይል ብክነቶችን ለመቀነስ 2000 የሚሆኑ የCMRI የቆጣሪ ማንበቢያ መሳሪያዎችን በተስተካከለው Software Design በመጫን ወደ ስራ ያስገባ ሲሆን ከ50,000 ያላነሱ ስማርት ቆጣሪዎችን ለመግጠምም ስራዎችን በመስራት ላይ ይገኛል፡፡
ተቋሙ ሊከሰት የሚችለውን የሃይል ብክነት ለመቀነስ የደንበኞች ቆጣሪ ቅያሪ ስራ ማከናወን፣ የደንበኞችን መረጃ ወደ አዱሱ ሲሰተም (SAP) ማዛወርና የመሳሰሉ ስራዎችን ሲያከናውን የቆየ ሲሆን በበጀት አመቱ ቀጣይ ሶስት ወራት ሊከሰቱ የሚችሉ ቴክኒካልና ቴክኒካል ያልሆኑ የሃይል ብክነቶችን ለመቀነስ ሰፊ እቅድ ይዞ እየተንቀሰቀሰ በይገኛል፡፡ 

















Short info

× Chat