askwala.com - በቀዳሚው የኒውክለር ፍንዳታ አማካኝነት የተፈጠረው አዲስ ቁስ
Header







በቀዳሚው የኒውክለር ፍንዳታ አማካኝነት የተፈጠረው አዲስ ቁስ

Image name: Quasicrystal.jpg

የተለየና የማይደገም መዋቅር ያለው ኮዌሰክሪስታልን ሲፈልጉ የቆዩ ሳይንቲስቶች በመጀመሪያው የኒውክለር ቦምብ ሙከራ ወቅት የተፈጠረውን ኢምፖሲብል የተሰኘ አንድ ኮዌሰክሪስታል መለየት ችለዋል፡፡ ከዚህ ቀደም አይታወቅ የነበረው ይህ ኮዌሰክሪስታል ከአይረን፣ ሲልከን፣ መዳብ እና ካልሺየም የተዋቀረና ምናልባትም በተነኑ የበረሃ አሸዋ እና ኮፐር ገመዶች ጥምረት የተፈጠረ እንደሆነ ተነግሮለታል፡፡ ከዚህ ቀደም ተመሳሳይ የሆኑ ቁሶች በቤተ-ሙከራ ሴንተሳይዝ የተደረጉና በሜትሮይቶች ውስጥም የተገኙ ቢሆንም በንጥረ-ነገሮች ጥምረት ለመመስረት ግን ይህ የመጀመሪያው ኮዌሰክሪስታል ሆኖ ተገኝቷል፡፡
ኮዌሰክሪስታሎች ከተለምዶአዊዎቹ ክሪስታሎች በተለየ የአተሞች አወቃቀር የተገነቡ ናቸው፤ ተለምዶአዊዎቹ ክሪስታሎች ሲደጋገሙም ተመሳሳይ ሆነው ሲቀጥሉ ኮዌሰክሪስታሎች ግን የማይቻል ተብለው ይታሰቡ የነበሩ ሲሜትሪዎች አሏቸው፡፡ በአውሮፓውያኑ 1982 ይህን አይነት የማይቻል ሲንተቲክ አሎይን በማግኘት የመጀመሪያው ሰው የሆነው ዳንኤል ሼትማን ስራው በሂሳብ ስሌት የማይሆን ነው ባሉት አጥኚዎች ዘንድ ከጥርጣሬ ወድቆ ነበር፤ ምንም እንኳን የኋላ ኋላ እ.አ.አ 2011 ላይ የኖቤል ሽልማትን በኬሚስትሪ ዘንድ ለማሸነፍ ቢያበቃውም፡፡ በተመሳሳይ ወቅት ፖል ስቴንሀርዲት እና የሙያ አጋሮቹ የማይደገሙ የባለ ሦስት እይታ (3D) መዋቅሮችን በሀልዮት ማስቀመጥ ጀምረው ነበር፤ ይህም እንዴት ሒሳብ ላያገኛቸው ሊቀር እንደቻለ የሚያብራራ ነበር፡፡
በአውሮፓውያኑ ሀምሌ 16 1945 በጆርዳና ዴል ሙኤርቶ በረሃ ከተደረገው ትሪኒቲ የኒውክለር ቦምብ ሙከራ ፍንዳታ በኋላ አጥኚዎች ከበረሃ አሸዋ የተሰሩ አረንጓዴያማ መስታውት መሰል ቁሶችን በስፋት አግኝተው ነበር፡፡ 




© Nature   













Short info

× Chat