askwala.com - ዘረኛው የቲውተር የፊት ገጽ ሰው ሰራሽ አስተውሎት
Header







ዘረኛው የቲውተር የፊት ገጽ ሰው ሰራሽ አስተውሎት

Image name: image cropping AI.jpg

ቲውተር የተሰኘው የማህበራዊ ሚዲያ የሚጠቀመው የፊት ገጽን አቅርቦ የሚያሳይ የሰው ሰራሽ አስተውሎት ቴክኖሎጂ ከዘረኝነት ጋር የተያያዘ ችግር እንዳለበት ተነገረ፡፡ ድርጅቱ ይፋ ባደረገው መረጃ መሰረት የሰው የፊት ገጽን አቅርቦ ለማሳየት ጥቅም ላይ የሚውለው ስልተ ቀመር ለነጮችና ለሴቶች አድሎ እንደሚያደርግ አረጋግጧል፡፡ ይህም የታወቀው ከወር በፊት ተጠቃሚዎች ከጉዳዩ ጋር የተያያዙ አንዳንድ ችግሮችን እንዳስተዋሉ ካሳወቁ በኋላ ነው፡፡ የማህበራዊ ትስስሩ የክትትል ምርምር አካላትም ችግሩ ትክክል እንደሆነ ማረጋገጫ ሰጥተዋል፡፡
ቲውተርም የቆየውን የትስስሩን ስርዓት በአዲስ ለመቀየር እየሰራ እንደሆነና አዲስ ጥቅም ላይ የሚውለው ስልትም መሰል ችግሮችን ለመፍታት እንደሚያስችል ተናግሯል፡፡ ችግር እንዳለበት የተነገረው ስልተ ቀመር ረጃጅምና ሰፋፊ የሆኑ ምስሎችን የሰዎችን የፊት ገጽ መለየት በሚያስችል መልኩ ለመመልከት የሚሰራ ቢሆንም ይህ ግን ሁል ጊዜ የተሳካ እንደማይሆን የድርጅቱ መረጃ ያመለክታል፡፡
ባለፈው አመት አንድ የዩኒቨርሲቲ ሰራተኛ የራሱንና የጓደኛውን ፎቶ በትስስር ገጹ ላይ ለጥፎ ነበር፡፡ ይሁን እንጂ ስልተ ቀመሩ የጥቁሩን ምስል በመተው የነጩን በተደጋጋሚ እንዲታይ ማድረጉ ታውቋል፡፡ ተጠቃሚዎች ሙሉ ፎቶውን ፈልገው ማስፈንጠሪያውን እስካልተጫኑ ድረስ ቲውተር የነጮቹን ምስል ሙሉውን በማሳየት የጥቁሮቹን ሲደብቅ ተስተውሏል፡፡
ቲውተርም ችግሩ መኖሩ ከታወቀበት ጊዜ ጀምሮ ስልተ ቀመሩን ለማስተካከል እየሰራ እንደሆነ አሳውቋ፡፡ እንደ ቲውተር መረጃ ከሆነ ችሩ የተፈጠረው በ2018 ምስሎችን አሳድጎ ለማየት ይረዳ ዘንድ በፕላትፎርሙ ላይ በተጨመረ "saliency algorithm" በተባለው ስልተ ቀመር ምክንያት ነው፡፡ የችግሩንም ስፋት ለማጥናት በተደረገ ምርመራ ስልተ ቀመሩ ከወንዶች ይልቅ ለሴቶች ስምት በመቶ አድሎ፣ በሁለቱም ጾታ ላሉ ነጮች ከጥቁሮች ይልቅ 4 በመቶ አድሎ፣ 7 በመቶ ከጥቁር ሴቶች ይልቅ ለነጭ ሴቶች አድሎ እንዲሆም 2 በመቶ ከጥቁር ወንዶች ይልቅ ለነጭ ወንዶች አድሎ እንደሚያደርግ ተረጋግጧል፡፡
ከዚህም በተጨማሪ ከሴቶች ምስል ወደ እግርና ደረት አካባቢ ያደላ የፎቶ ማሳደግ አባዜ እንዳለበትም ታውቋል፡፡ 




© BBC   













Short info

× Chat