askwala.com - የህክምና ዘርፉን በ3D ፕሪንቲንግ ቴክኖሎጂ ማገዝ
Header







የህክምና ዘርፉን በ3D ፕሪንቲንግ ቴክኖሎጂ ማገዝ

Image name: 3d printing in healthcare.jpg

የ3D ማተሚያ ወይም ፕሪንቲንግ ቴክኖሎጂ የተለያዩ ኢንዱስትሪዎች ላይ ለውጥ በማምጣት እና በማሻሻል ላይ ሲሆን የህክምናው ኢንዱስትሪም ከዚህ የተለየ አይደለም፡፡ በህክምናው ዘርፍ ላይ ይህ ፈጠራ የሰውን ጤና ከማሻሻል ባለፈ ህይወትን ከሞት የመታድገ አቅሙም በእጅጉ እያደገ ነው። የ3D ፕሪንቲንግ ቴክኖሎጂ ከዚህ በፊቱ በተለየ መልኩ በህክምና ላይ ለተሰማሩ የህክምና ባለሙያዎች፣ ተመራማሪዎች፣ አምራቾች በፍጥነት እንዲያክሙ፣ እንዲመረምሩና፣ እንዲያመርቱ ምቹ ሁኔታዎችን በመፍጠር የበለጠ እንዲሰሩ ኃይል ሆኗቸዋል።
ምንም እንኳን ሁሉንም የሰውነት ክፍሎችን በማተሚያ ቴክኖሎጂው ማምረት ባይቻልም ነገር ግን ተመራማሪዎችና ሳይንቲስቶች ህዋሶችን፣ ልብ፣ ጉበት እና የመሳሰሉትን የሰው ልጅ የሰውነት አካል ክፍሎችን መስራት ችለዋል። ለንቅለ ተከላ የሚሆኑ የሰው ልጅ የአካል ክፍሎችን መስራት ከተጀመረ አስርት አመታትን ያስቆጠረ ሲሆን በዚህ ስራ ላይ የተሰማሩት ሳይንቲስቶችና ተመራማሪዎችም በየጊዜው አዳዲስ መንገዶችን በመፈለግ ላይ ይገኛሉ።
በቃጠሎ፣ በካንሰር በሽታ የተጠቃ እና በተለያዩ የቆዳ በሽታዎች የተጎዳን ቆዳን ለማከም የ3D ፕሪንቲንግ ቴክኖሎጂ ተግባራዊ ይደረጋል። ቆዳን የህክምና መሃንዲሶች እና ተመራማሪ ጄምስ ዮ በጀርመን በ2010 በዋቄ ፎርስት ዩኒቨርሲቲ ቆዳን መስራት የጀመሩ ሲሆን ይህም በቀጥታ በተጎዳው የቆዳ ክፍል ላይ የሚደረግ ነው። በዚሁ በጀርመን አገር በሚገኝ የምርምር ኢንስቲትዩት የተሰራው ሰው ስራሽ የደም ስር እንዲሁም በጀርመን በሮስቶክ ዩኒቨርሲቲ ላቦራቶሬ የተሰራው ሰው ሰራሽ ልብ ከ3D ፕሪንቲንግ ቴክኖሎጂ ውጤቶች መካከል የሚጠቀሱ ናቸው።
ህዋሶች በባህሪያቸው የእድገት ሂደታቸው ማብቂያው እስከሚደርስ ድረስ ራሳቸውን መልሰው መላልሰው የሚገነቡና የሚያድጉ ከመሆናቸው ጋር በተያያዘ በ3D ፕሪንቲንግ ቴክኖሎጂው ተጠቅሞ ለማምርት ምቹ እንደሆኑ ይገለፃል። በአሁኑ ወቅት በተለያዩ የከፍተኛ ትምህርት ተቋማት ውስጥ በሚገኙ ቤተ-ሙከራዎች ውስጥ በመሰራት ላይ የሚገኙት እነዚህ የ3D ባዮፕሪንቲንግ (bioprinting) ሙከራዎች የሰው ልጆችን በሚጠቅም መልኩ ግልጋሎት ላይ እንዲውሉ በህግ አውጪ አካላት ትኩረት እንዲሰጣቸው ብዙዎች ያሳስባሉ፡፡ 




© BIOLIFE4D & TRACTUS3D   













Short info

× Chat