askwala.com - የአለማችን የመጀመሪያው ከመሬት ጋር ያልተገናኘው ሰማይ ጠቀስ ህንጻ
Header







የአለማችን የመጀመሪያው ከመሬት ጋር ያልተገናኘው ሰማይ ጠቀስ ህንጻ

Image name: Skyscraper Designed To Hang Suspended From An Asteroid.jpg

በወትሮው ልማድ ጠራነው እንጂ ለነገሩ መባል ያለበት ምድር ጠቀስ ህንጻ ነበር መባል የነበረበት፡፡ እስካሁን የአየር ላይ ጓሮ በቻይና፣ ተንሳፋፊ ከተማ በፓስፊክ ተሰርተው አይተን አድንቀናል፡፡ ይህ የስነ-ህንጻ ጥበብ አሁን ደግሞ ከፍ ወዳለ ደረጃ ደርሷል፡፡ መቀመጫቸውን በኒዮርክ ያደረጉ የስነ ህንጻ ጠበብቶች ከአስትሮይድ ላይ ተንጠልጥሎ ቁልቁን ወደ ምድር 50 ሺህ ኪሎሜትር ያክል የሚርቅ ምድር ጠቀስ ህንፃን ለመገንባት ዲዛይን አቅርበዋል፡፡
ይህ ክላውድስ አርኪቴክቸር በተሰኘው ኩባንያ ዲዛይን የተደረገው ህንጻ በአለማችን ረጅሙ ከመሆኑ በተጨማሪ ብቸኛው መሰረቱ ከላይ የሆነ የተንጠለጠለ ህንጻም ነው፡፡ ኩባንያው ከዚህ በፊት የማርስ ላይ የበረዶ ቤቶችን ዲዛይን ሰርቶ ማቅረቡ የሚታወስ ነው፡፡ እንደ ኩባንያው መረጃ ከሆነ ዩኒቨርሳል ኦርቢታል ሰስፔንስ ሲስተም ሲሉ በጠሩት ዘዴ (UOSS) አማካኝነት ህንጻውን ለማንጠልጠል አስበዋል፡፡
የህንጻው ዲዛይን እቅድ እንደሚያሳየው ከሆነ ህንጻው ግዙፍ ብቻ ሳይሆን በብዙ የተከፋፈሉ ግን የተቀጣጠሉ ሰፋፊ ከተሞችም እንደሚወጣው ታውቋል፡፡ የኦርቢታዊ ጉዞው በ24 ሰዓታት የየማያቋርጥ እንቅስቃሴ የሚያልፍ ሲሆን ሰሜንና ደቡብ ንፍቀ ክበብን በመከተል እንደ ሃቫና፣ ፓናማ እና ኒዮርክ አይነት ግዙፋን ከተሞችን ቁልቁል እየተመለከተ ይንቀሳቀሳል፡፡
ለሀይል አቅርቦትም የፀሐይ ሐይል መሰብሰቢያ ንጣፎችን የሚጠቀም ሲሆን ለውሀ አቅርቦትም የዝናብ ውሃን መሰብሰብ በሚያስችል መልኩ እንደሚገነባ ተሰምቷል፡፡ መጠሪያው አናሌማ ታወር የተሰኘው ይህ ልዩ ኪነ- ህንጻ ብዙ መልስe የሚያስፈልጋቸው ጥያቄዎች ቢኖሩበትም የአለማችንን ብዙ ሪከርዶች የሚሰብር ልዩ ህንጻ እንደሚሆን ይጠበቃል፡፡ 




© Iflscience   













Short info

× Chat