askwala.com - ከድምፅ የሚፈጥነው የመንገደኞች ጄት ወደ ስራ ሊመለስ ነው
Header







ከድምፅ የሚፈጥነው የመንገደኞች ጄት ወደ ስራ ሊመለስ ነው

Image name: United Airlines.jpg

የሀገረ አሜሪካው ዩናይትድ አየር መንገድ ከድምፅ ፍጥነት በላይ የሚጓዙ 15 የመንገደኛ ጄቶችን በመግዛት እንደ አውሮፓውያኑ በ2029 ወደ ስራ ሊያስገባ መሆኑን አስታዋቀ፡፡
ቡም በተባለው የአሜሪካ ኩባንያ እየተመረተ እንደሆነ የተነገረለት የመንገደኞች ጄት ኦቨርቸር የሚል ስያሜ ተሰጥቶታል፡፡ ጄቱ የአየር መንገዱን የበረራ ደህንነት መመዘኛዎች ሲያሟላ ሙሉ የግዢ ሂደቱ እንደሚጠናቀቅም ይጠበቃል፡፡
በሰዓት 1 ሺህ ስምንት መቶ አምስት ኪሎሜትር የመብረር አቅምን ይዞ ወደ ስራ የሚገባው ኦቨርቸር በአማካይ 7 ሰዓት ይፈጅ የነበረውን ከለንደን ወደ ኒውዮርክ የሚደረግ የቀጥታ በረራን በሶስት ሰዓት እንደሚቀንሰው ይጠበቃል፡፡
ከዚህ ቀደም ኮንኮርድ ተብሎ የሚጠራው ከድምፅ ፍጥነት በላይ የሚጓዝ የመንገደኞች ጄት እንደ አውሮፓውያኑ ከ1976 ጀምሮ እስከ 2003 ድረስ አገልግሎት ሲሰጥ ቆይቶ በተደጋጋሚ በገጠሙት እክሎች ምክንያት አገልግሎት ማቋረጡን የቢቢሲ ዘገባ አስታውሷል፡፡ 

















Short info

× Chat