askwala.com -
Header







Technology and Innovation Institute, Ethiopia

Image name: drone bus.jpg

መነሻ ሀሳቡ እጅግ ዘመናዊ ከሆነውና ከኒው ጀርሲ ወደ ኒዮርክ ከተዘረጋው ባቡር የሆነ ባለ 40 መቀመጫ ድሮን አውቶቢስ መሰራቱ ተነገረ፡፡ ይህም ሀሳብ በኮቪድ ምክንያት በሰዎች መካከል የሚፈለገውን አካላዊ ርቀት ለመጠበቅ በሚያስችል መልኩ የተጠነሰሰ ነው፡፡ መኪናው በራሪ እንዲሆን ታስቦ የተሰራ ሲሆን ካለበት ቦታ ሁሉ መነሳትና ማረፍ እንዲችል ተደርጎ የተሰራ ነው፡፡
በራሪ መኪናው በአራቱም አቅጣጫ የተገጠሙ ሁለት ሁለት በአጠቃላይ ስምንት ተሽከርከሪዎች (ፋኖ) ያሉት ሲሆን እነዚህም መኪናው የተሳካ በረራ እንዲያደርግና ወደ መሬት ለመውረድና ከመሬት ለመነሳት የሚያደርገውን እንቅስቃሴ እጅግ ቀላል የሚያደርጉለት ናቸው፡፡ የዚህ ፈጠራ ባለቤት የሆነው ኬሌኮና የተሰኘው የቴክኖሎጂ ድርጅት በራሪ አውቶቢሱ አሁን ላይ ያለውን የህዝብ ትራንስፖርት የሚፎካከርና ሊተካ የሚችል እንደሆነ ይፋ አድርጓል፡፡
ድርጅቱ አክሎም በ2023 አገልግሎት መስጠት ይጀምራል የተባለውን የኡበር የአየር ላይ ታክሲ የሚፎካከር እንደሆነም ገልጧል፡፡ ለዚህም በራሪ አውቶቢሱ በአንድ ጊዜ 40 ሰዎችን መጫን የሚችል መሆኑ እንደመተማመኛ ተወስዷል፡፡ እንደሚታወሰው ኡበር በአየር ላይ ታክሲው ከአብራሪው ሌላ አንድ ሰው ብቻ ለማጓጓዝ ያሰበ ነው፡፡
እንደ ኒዩርክ ባሉ እጅግ በተጨናነቁ ከተሞች በአንዴ ያለምንም
የመንገድ መጨናነቅ 40 ሰዎችን ማጓጓዝ መቻሉ እጅግ ተመራጭ እንደሚያደርገው ይጠበቃል፡፡ በመጀመሪያው ዙር ድርጅቱ ከማንሃታን ወደ ሃምፕቶንስ የ30 ደቂቃ በረራን በ85 ዶላር ለማድረግ ያሰበ ሲሆን በቀጣይም ከቦስተን ወደ ኒዮርክ፣ ከዋሽንግተን ዲሲ ወደ ሎስ አንጀለስ እና ሳንፍራንንስኮ በረራውም የተሳካ እንዲሆን በሰዓት 3.6 ሜጋ ዋት ሀይልን የሚያመነጭ ባትሪን በልዩነት እንዳዘጋጀም ድርጅቱ ይፋ አድጓል፡፡ ይህ ሀይል ከፍተኛ ሲሆን በመቶዎች ወይም በሺዎች ለሚቆጠሩ ቤቶች አገልግሎት የሚውልን ሀይል የሚወዳደር ነው፡፡ በድርጅቱ እቅድ መሰረት የእቃ ማጓጓዝ አገልግሎትን በ2022 የሚጀምር ሲሆን ሰዎችን ለማመላለስ 2024ን የቀጠሮ ቀን አስቀምጧል፡፡ 




© Tech Xplore   













Short info

× Chat