askwala.com - ጥናታዊ ፊልሞችን ማየት ያዘወትራሉ?
Header







ጥናታዊ ፊልሞችን ማየት ያዘወትራሉ?

Image name: iHuman_Hi AI_The_Age_of_Big_Data.jpg

ለዛሬ አርቲፊሻል ኢንተለጀንስ (የሰው ሰራሽ አስተውሎት) ቴክኖሎጂን ትኩረታቸው አድርገው የተሰሩና የቴክኖሎጂውን የእስካሁን ትሩፋት ከመጪው ጊዜ ከሚጠበቅ አበርክቶ ጋር አጣምረው የሚያስቃኙ ጥናታዊ ፊልሞችን አጭር ዳሰሳ እናካፍላችሁ፡፡
#iHuman
የሰው ሰራሽ አስተውሎት ቴክኖሎጂን ኃያልነት እንዲሁም ቴክኖሎጂው የሰው ልጅን የዕለት ከዕለት ኑሮ እንዴት እየቀየረ እንደሆነ ያስመለክታል፡፡ በተጨማሪም የሰው ልጅ በግዙፍ የቴክኖሎጂ ኩባንያዎች በሚፈጠሩ ስልተቀመሮች ለመተዳደር ዝግጁ ነው ወይ ሲል ይጠይቃል፡፡ ቴክኖሎጂው እንዴት እንደሚበለፅግና ተግባራዊ እንደሚሆን የዘርፉን ምሁራን ሀሳብ ያካተተ ጥናታዊ ፊልም ነው፡፡
#Hi_AI
ይህ በፈረንጆቹ 2019 የተሰራ ጥናታዊ ፊልም ሰዎች የሰው ሰራሽ አስተውሎት ውጤቶች ከሆኑ ሮቦቶች ጋር ያላቸውን መስተጋብር ይቃኛል፡፡ የሰው ልጅ ከሮቦት ጋር በሚያደርገው ግንኙነት ምን ያገኛል…ምንስ ሊያጣ ይችላል የሚለውን ይዳስሳል፡፡ የሰው ሰራሽ አስተውሎት በሮቦት ምርምር ዘርፍ የደረሰበትን ደረጃም ያስመለክተናል፡፡
#The_Age_of_Big_Data
የዳታን ሁለገብነት እና አስፈላጊነት የሚያስቃኝ በቢ.ቢ.ሲ የተዘጋጀ ጥናታዊ ፊልም ነው፡፡ ዳታን በመጠቀም ሊከሰቱ የሚችሉ ወንጀሎችን የሕግ አስከባሪ አካላት እንዴት ቀድመው መተንበይ እንደሚችሉ የሎስ አንጀለስ ግዛት የፖሊስ ክፍል እየሰራ ያለውን በማሳያነት ያቀርባል፡፡ በተጨማሪም ዳታ በጤና ጥበቃ፣ የህዋ ሳይንስ (ሥነ-ፈለክ) እና ሌሎች ዘርፎች ያለውን ወሳኝ ሚና በተለያዩ ሀገራት የተደረጉ ተሞክሮዎችን በማሳያነት በማቅረብ ይዳስሳል፡፡ 

















Short info

× Chat