askwala.com - አስትራዜንካን ለሶስተኛ ዙር መከተብ
Header







አስትራዜንካን ለሶስተኛ ዙር መከተብ


የኦክስፎርድ ዩኒቨርሲቲውን አስትራዜንካ ክትባት ለሶስተኛ ዙር መከተብ የበሽታ መከላከል አቅምን በእጅጉ እንደሚያሳድገው አንድ ጥናት አመለከተ፡፡ ምንም እንኳን አንደኛው ዙር ክትባት በቅጡ ባልተዳረሰባት አፍሪካችን ውስጥ ስለ ሶስተኛ ዙር ክትባት ማውራት ቅንጦት ቢመስልም በክትባቶች ዙሪያ በአለማችን ያለውን ሁኔታ ማወቁ የሚከፋ አይደለም፡፡
የመረጃ ምንጫችን የሆነው ዘጋርዲያን ጥናትን ምንጭ አድርጎ የሰራው ዘገባ እንደሚለው ከሆነ አስትራዜንካ የተሰኘውን ክትባት ለሶስተኛ ጊዜ መውሰድ የቻለ ሰው በበሽታው ያለመያዝ እድሉ በጣም ከፍተኛ ነው፡፡ ኦክስፎርድ ዩኒቨርሲቲ ሰርቶታል የተባለው ይህ ጥናት አንድ ሰው ሁለተኛውን ክትባት ከወሰደ ከስድስት ወራት በኋላ ሶስተኛ ዙር ክትባት ቢሰጠው የሰውነቱ ህዋሳት ኮሮና ቫይረስን በቀላሉ መከላከል የሚችሉበትን አቅም ማዳበር ይችላሉ ብሏል፡፡
የኦክስፎርዱ የክትባት ቡድን መሪ የሆኑት ፐሮፌሰር አንድሪው ፖላርድ አሁን ላይ ሰዎች ሶስተኛ ክትባት ያስፈልጋቸዋል የሚለው ሃሳብ ሙሉ ለሙሉ ባይታመንበትም ክትባቱ ግን የባህሪ ለውጥ እያመጣ ያለውን ቫይረስ ሳይቀር መከላከል የስችላል ሲሉ ተናግረዋል፡፡ አሁን ላይ በእንግሊዝ የማህበረሰብ ጤና የሚወጡ መረጃዎች ሁለቱ ክትባቶች ሰዎች ወደ ሆስፒታል የሚያበቃ ህመም እንዳይዛቸው ብሎም አልፋ እና ዴልታ የተሰኙ ልውጥ የቫይረስ አይነቶች ለሞት እንዳይዳርግቸው ይስችላሉ የሚሉ ናቸው፡፡
በሁለቱ ክትባቶች መካከል የሚኖረው ርቀት እንደ አካባቢ አቀማመጥ ከ4 እስከ 12 ሳምንታት ቢሆን ውጤታማነቱን ከፍ ያደርገዋል የሚለው የማህበረሰብ ጤና ተቋሙ መረጃ በዚህ የጊዜ ልዩነት ውስጥ መድሃኒቱን ለማግኘት የሚቸገሩ ሰዎች እንዳሉም አሳውቋል፡፡ 




© The guardian   













Short info

× Chat