askwala.com - ናሳ የሰራው የአቶሚክ ሰዓት ከሌሎች በ10 እጥፍ የበለጠ ውጤታማ መሆኑ ተረጋገጠ
Header







ናሳ የሰራው የአቶሚክ ሰዓት ከሌሎች በ10 እጥፍ የበለጠ ውጤታማ መሆኑ ተረጋገጠ

Image name: atomic-clock.jpg

የአሜሪካኑ ጠፈር ምርምር ተቋም ናሳ ተመራማሪዎች የሰሩት አዲስ የአቶሚክ ሰዓት አሁን ካሉ ሌሎች መሰል ሰዓች በ10 እጥፍ በበለጠ ትክክለኝነት እንደሚሰራ አረጋገጡ፡፡ በኤሪክ በርት አማካኝነት በተመራው በዚህ ምርምር ላይ ሰዓቱ ለአንድ ዓመት ያህል ጠፈር ላይ ሆኖ ምድርን እንዲዞራት በማድረግ ሙከራ የተከናወነበት ሲሆን በዚህም በከፍተኛ ደረጃ አስቸጋሪ የሆኑ የአየር ንብረት ሁኔታዎችን መቋቋም የሚችል መሆኑን ማረጋገጥ ተችሏል፡፡
በምድር ላይ ስንኖር የአቅጣጫ ማመለካከቻ ወይም ጂፒኤስን ተጠቅመን የጉዞ መንገዳችንን ማወቅ እንችላለን፡፡ ሆኖም ከምድር ወጥተው በህዋ የሚጓዙ ተጓዦች እኛ ምድር ላይ የምንጠቀመውን ቴክኖሎጂ ተጠቅመው አቅጣጫቸውን ማግኘት ስለማይችሉ የጉዞ ሲግናሎች ከምድር ተለቀው እነርሱ ጋር የማድረስና ነጥሮ ወደ ምድር እንዲመለስ የማድረግ ስልትን ለመጠቀም ይገደዳሉ፡፡ የአቶሚክ ሰዓቶች ታድያ በብርሃን ፍጥነት የሚጓዙት ሲግናሎቹ ከምድር ተነስተው የጠፈር ተጓዦቹ ጋር የሚደርሱና ነጥረው ወደ ምድር የሚመለሱበትን ትክክለኛ ሰዓት ስለሚያሳውቁ የጠፈር ተመራማሪዎች ይህን አስልተው የጠፈር ተጓዦቹ ያሉበትን ቦታ፣ የሚጓዙበትን ፍጥነት እንዲሁም አቅጣጫቸውን እንዴት ማስተካከል እንደሚቻል ይደርሱበታል፡፡ እዚህ ላይ ግን የጠፈር ተጓዦቹ ከምድር በራቁ ቁጥር ሲግናሎቹም ከምድር ተልከው እነርሱ ጋር የሚደርሱበትና ነጥረው የሚመለሱበት ሰዓት እየረዘመ ይመጣል፡፡ ስለዚህም ተጓዦቹ እጅግ ውጤታማ የሆነ የአቶሚክ ሰዓትን መያዛቸው ፍጥነትና አቅጣጫቸውን በቶሎ እንዲሁም በቀላሉ እንዲረዱ ያስችላቸዋል፡፡
ይህን የህዋ ጉዞ ተግዳሮት ለመፍታት ያቀደው ናሳ በአውሮፓወያኑ 2019 “ዲፕ ስፔስ አቶሚክ ክሎክ” ብሎ የሰየመው ይህን ሰዓት ለሙከራ ወደ ጠፈር አስልኮ ነበር፡፡ በጠፈር ላይ ሙከራው ወቅት በሰዓቱ ውስጥ ያሉት አተሞች የመንቀጥቀጥ ችግርን እየፈጠሩ ሲያስቸግሩ ትራፕድ አዮን በተባለ ስልት አማካኝነት አተሞቹን በኤሌክትሮማግኔቲካዊ ገደብ ውስጥ በማስቀመጥ ችግሩ ተቀርፏል፡፡
ጥናቱን አስመልክቶ በኔቸር ጆርናል ላይ ታትሞ የወጣው ፅሁፍ እንደሚያመላክትው ሰዓቱ በአጭር ጊዜም ሆነ ረጅም ጊዜ ተረጋግቶ በመስራት ረገድ በአሁኑ ጊዜ ካሉ ሌሎች መሰል ሰዓቶች ሁሉ በ10 እጥፍ የላቀና ወደ ጥልቁ ህዋ (deep space) የሚደረግ ጉዞን እውን በማድረግ ረገድም አንድ እርምጃን ያራመደ መሆኑን ነው፡፡ 




© Cosmos   













Short info

× Chat