askwala.com - የአሜሪካን ጦር ኃይል እርጅናን የሚያስቀሩ መድሃኒቶችን ሊሞክር ነው
Header







የአሜሪካን ጦር ኃይል እርጅናን የሚያስቀሩ መድሃኒቶችን ሊሞክር ነው

Image name: ANTI-AGING PILL.jpg

በቴክኖሎጂ በተራቀቀው በዚህ ዘመን ቀድሞ በሆሊውድ ፊልሞች አልያም ሳይንሳዊ ልብ ወለድ መፅሐፍት ላይ የተመለከትናቸው ምዕናባዊ ፈጠራዎችን ከዓመታት በኋላ በእውኑ አለም ተግባራዊ ሲሆኑ ማየት የተለመደ ሆኗል፡፡ ከወደ አሜሪካንም ተመራማሪዎች ለወትሮ በፊልም ላይ የምናውቀውን ሳይንሳዊ ግኝት እውን ለማድረግ በመንደርደር ላይ መሆናቸው ተሰምቷል፡፡
በአሜሪካን ጦር ኃይል ስር የሚገኘው የልዩ ተልእኮ እዝ (SOCOM) ከቀጣዩ የፈረንጆች ዓመት አንስቶ እርጅና በወታደሮቹ ላይ የሚያደርሰውን ተፅዕንዖ ያጠፋሉ የተባለላቸውን ኪኖኖች መሞከር እንደሚጀምር አስታውቋል፡፡ የሰው ልጆችን አካላዊ አቅም የማሳደግና ወታደሮችንም ጤናማና ለረጅም ጊዜያት በከፍተኛ ብቃት እንዲያገለግሉ የማድረግ አላማን አንግቦ የተነሳው ሙከራው ውጤታማነቱ ታይቶ ምናልባትም ለሲቪሎች ህክምናም ሊውል እንደሚችል ተዘግቧል፡፡
ኪኒኖቹ ስራቸውን የሚሰሩት ከሰው ልጅ እርጅና እና የአካል ብቃት መውረድ ጋር የሚያያዘውን ኒኮቲናማይድ አዴኒን ዲኒውክላታይድ (NAD+) የተሰኘ ኮኤንዛይም በማጠናከር ነው፡፡ የልዩ ተልእኮ እዙ ታድያ በወታደሮቹ የሰውነት ስርዓት ውስጥ ተጨማሪ ኒኮቲናማይድ አዴኒን ዲኒውክላታይድን በማከል ከዕድሜ ጋር የተያያዙ ጉዳቶችን ለመቀነስ ብሎም አካላዊና አዕምሮአዊ ዝግጁነትን በማሻሻል በእድሜ ብዛት እየቀነሰ የሚመጣ የወታደሮች ብቃት መውረድን ለመከላከል አቅዷል፡፡
እንደ እዙ የሳይንስ እና ቴክኖሎጂ ዳይሬክተር ሊሳ ሳንደርስ ምልከታ ሙከራው ስኬታማ የሚሆን ከሆነ እርጅናን በማዘግየትና በእድሜ አመሻሽ ላይ የሚከሰት ጉዳትን በመቀነስ የሚያስደንቅ ልዩነት ፈጣሪ ይሆናል፡፡ 




© Futurism   













Short info

× Chat