askwala.com - የዊንዶውስ ተጠቃሚዎች አስቸኳይ የደህንነት ዝመና እንዲያደርጉ ማይክሮሶፍት ኩባንያ አሳሰበ
Header







የዊንዶውስ ተጠቃሚዎች አስቸኳይ የደህንነት ዝመና እንዲያደርጉ ማይክሮሶፍት ኩባንያ አሳሰበ


የሳይበር ደህንነት ተመራማሪዎች በዊንዶዉስ ኦፕሬቲንግ ሲስተም (operating system) ውስጥ አደገኛ የጥቃት ተጋላጭነት ማግኘታቸዉን ተከትሎ የዊንዶውስ ተጠቃሚዎች አስቸኳይ ዝመና እንዲጭኑ ማይክሮሶፍት (Microsoft) ኩባንያ አሳሰበ፡፡
የህትመት ናይትሜር (Print Nightmare) በመባል የሚታወቀው የሳይበር ደህንነት ክፍተት የዊንዶውስ ማተሚያ ስፖለር አገልግሎትን /Windows Print Spooler service/ እያጠቃ መሆኑን መለየቱን ተከትሎ ነዉ ኩባንያዉ ተጠቃሚዎችን ያሳሰበዉ፡፡
ሳንግፎር /Sangfor/ በተሰኘው የሳይበር ደህንነት ኩባንያ የሚገኙ የደህንነት ተመራማሪዎች የመረጃ ብዝበዛዉ እንዴት እንደሚለይ የሚገልጽ መመሪያ በፍጥነት አዘጋጅተዋል።
ማይክሮሶፍት የደህንነት ክፍተቱን ለህገወጥ ተግባር የሚጠቀሙ የመረጃ መንታፊዎች አጥፊ ፕሮግራሞችን በኮምፒዉተራችን ሊጭኑ፣ ፋይሎቻችንን ሊመለከቱ ወይም ሊሰርዙ አልያም ሙሉ በሙሉ የመጠቀሚያ አካውታችንን ቀይረው ሊጠቀሙበት እንደሚችሉ አስጠንቅቋል፡፡
የደህንነት ክፍተቱ የመረጃ ጠላፊዎች የስርኣተ ኮምፒዉዩተራችን ማዘዣን የመቆጣጠር አቅም ሊፈጥርላቸው እና ከባድ ጉዳቶችን ሊያደርሱ ይችላሉ በሚል ዝመናዉ አስቸኳይ ሊሆን እንደሚገባም ማይክሮሶፍት አሳስቧ፡፡
በዚህ የደህንነት ክፍተት የዊንዶዉስ-10 ተጠቃሚዎች ብቻ የክፍተቱ ተጋላጭ አለመሆናችዉን ኩባንያዉ ገለጾ ከዚህ በፊት የደህንነት ዝመና የተቋረጠበት ዊንዶዉስ-7 ምርት ተጋላጭ መሆኑን ገልጿል።
“በመሆኑም በደህንነት ክፍተቱ ሳቢያ ጉዳት እንዳይደርስ የዊንዶዉስ ተጠቃሚዎች እነዚህን የደህንነት ዝመናዎች ወዲያውኑ እንዲጭኑ እንመክራለን” ሲል ማይክሮሶፍት ኩባንያ ማሳስቡን ሲኤንኤን በድረ-ገጹ አስነብቧል፡፡ 

















Short info

× Chat