askwala.com - ሩሲያ በማርስ ላይ የኒውክለር ኃይል ማመንጫ ልትገነባ ነው
Header







ሩሲያ በማርስ ላይ የኒውክለር ኃይል ማመንጫ ልትገነባ ነው

Image name: NUCLEAR POWER PLANT ON MARS.jpg

የሩሲያው የጠፈር ምርምር ኤጀንሲ ሮስኮሞስ እህት ተቋም የሆነው የጦር መሳርያዎች ዲዛይን ቢሮ ሀገሪቱ ወደፊት ማርስ ላይ ለምትገነባው ጣብያ የኃይል ምንጭ እንዲሆን በማሰብ የኒውክለር ኃይል ማመንጫ ጣብያ ለመገንባት ማቀዱን የሀገሪቱ የዜና ተቋም ስፑትኒክ ዘገበ፡፡ ተቋሙ ለኒውክለር ኃይል ማመንጫ ጣብያው የሚያስፈልጉ ግብዓቶችን ዜነስ በተባለቸው የጠፈር ላይ ማጓጓዣ (Space Tug) አማካኝነት አጓጉዞ ለማሟላት አቅዷል፡፡
ግዙፎቹን የጣብያው ግንባታ ቁሳቁሶች ከመሬት አንስቶ ወደ ማርስ የምታደርሰው ዜነስ በኒውክለር ኤሌክትሪክ ግፊት አማካኝነት የምትንቀሳቀስ እንደሚሆን ተነግሯል፡፡ ግብዓቶቹ በዜነስ አማካኝነት ወደ ማርስ አየር ካቀኑ በኋላም በፓራሹት ወደ ምድሯ የሚለቀቁ ይሆናል፡፡ ታድያ የኒውክለር ኃይል ማመንጫ ጣብያ ቁሳቁሶችን ከማጓጓዝ ባሻገር ግን ዜነስ ለሌላ ስራም ታጭታለች፤ ከወራት በፊት የሮስኮሞስ ኃላፊው ዲሚትሪ ራጎዚን ምናልባትም የሌላው አለም ፍጡራን እዚያ ይገኙ እንደሆን ለመመርመር እንደ ጁፒተር ያሉ ሌሎች ፕላኔቶች ጋርም ልትሄድ እንደምትችል ጠቁመው ነበር፡፡
ሩሲያ የአሜሪካኑ የጠፈር ምርምር ተቋም ናሳ ከሚጠቀመው ከአንድ አስረኛም ያነሰ በጀት ቢኖራትም የሩሲያ ጠፈር ምርምር ተቋም ግን በቀጣዮቹ 10 ዓመታት ውስጥ ገቢር ይሆናሉ ያላቸውን ታላላቅ እቅዶች አስቀምጧል፡፡ ከነዚህ ታላላቅ እቅዶቹ መካከል ሀገሪቱ የራሷ የጠፈር ምርምር ጣብያ እንዲኖራት ማድረግ፣ ሰው የጫኑና ሰው አልባ ተጓዦችን ወደ ጨረቃ መላክ፣ እንዲሁም ከቻይና ጋር በመተባበር ጨረቃ ላይ ሰፈር መገንባት ይገኙበታል፡፡ ታድያ የኒውክለር ኃይል ማመንጫን ወደ ማርስ የመላኩና ሰዎችንም በዚያ የማስፈሩ ጉዳይ ብዙ ስራ የሚቀረው ውጥን ቢሆንም በአግባቡ ከተመራ ግን ሊሳካ እንደሚችል ተነግሮለታል፡፡ 




© Futurism   













Short info

× Chat