askwala.com - የእጅ መዳፋችሁን አሻራ ልግዛችሁ የሚለን አማዞን
Header







የእጅ መዳፋችሁን አሻራ ልግዛችሁ የሚለን አማዞን

Image name: palm print.jpg

አማዞን የተሰኘው የአለማችን ግዙፍ ተቋም ከተጠቃሚዎች ላይ የእጅ መዳፍ አሻራቸውን በ10 ዶላር ለመግዛት ማሰቡን ይፋ አድርጓል፡፡ እንደ ተቋሙ መረጃ ከሆነ የእጅ መዳፍ አሻራው በካምፓኒው ውስጥ የነጻ ምዝገባ ስርዓና ለሞርታር ስቶር አገልግሎት የሚውል ነው፡፡ ክፍያው በካምፓኒው የመገበያያ ስቶር ጥቅም ላይ የሚውል ሲሆን አንዳንድ የህግና የገበያ ስርዓት ምሁራን በግለሰቦች ላይ የደህንነት ስጋት ያመጣል ሲሉ የአማዞንን ሀሳብ ተችተዋል፡፡
በኖርዝ ኢስተርን ዩኒቨርሲቲ የህግና የኮምፒውተር ሳይንስ ፕሮፌሰር የሆኑት አሪ ዋልድማን ሰዎች ስማቸውን፣ የክሬዲት ካርድ መረጃቸውን እና ስልክ ቁጥራቸውን በፈለጉት ፍጥነት መቀየር የሚችሉ ሲሆን እንደ አሻራ ያሉ ስነ-ህይወታዊ መገለጫዎችን ግን መቀየር አይችሉም፡፡ በመሆኑም ግለሰቦች የግል መገለጫ ሆኑ ስነ-ህይወታዊ መለያዎችን ለድርጅቶች ከሸጡ ሁሌም በድርጅቱ ክትትል ውስጥ የሚወድቁ ይሆናሉ በሚል የአማዞን ሀሳብ አግባብነት እንደሌለው አሳይተዋል፡፡
አማዞን ባለፈው አመት Amazon One devices የተሰኘ የእጅ መዳፍ አሻራ ስካን ማድረጊያ ያቀረበ ሲሆን ደንበኞች የእጅ መዳፋቸውን በማወዛወዝ ብቻ የተለያዩ ክፍያዎችን እንዲከፍሉ ያስችላቸዋል፡፡ የእጅ መዳፍ አሻራቸውን ለተቋሙ ለሚሰጡ ፈቃደኞችን ካምፓኒው የአስር ዶላር ጉርሻን አቅርቧል፡፡ ይህን ለማድረግ የሚያስችለው መሳሪያ በአሁኑ ወቅት 53 በሚደርሱ በአሜሪካ በሚገኙ የአማዞን መደብሮች ጥቅም ላይ መዋል የጀመሩ ሲሆን ከእነዚህም ውስጥ የምግብ አቅርቦት ያለባቸው ሱቆች ይገኙበታል፡፡
የባዮሜትሪክ መለያን ለገበያ ስርዓት በመጠቀም ረገድ ከአማዞን በፊት አይፎን፣ ጎግል ፒክስል ስማርት ስልክ እና ሳምሰንግ ጋላክሲ ስልኮች የእጣት አሻራንና የፊት ገጽን መጠቀም የሚያስችሉ ተደርገው መሰራታቸው የሚታወስ ነው፡፡ 




© Tech Xplore   













Short info

× Chat