askwala.com - ፅሁፍን በመመልከት ብቻ ወደፊት አላዛይመር የሚይዛቸውን ሰዎች የሚለይ ቴክኖሎጂ
Header







ፅሁፍን በመመልከት ብቻ ወደፊት አላዛይመር የሚይዛቸውን ሰዎች የሚለይ ቴክኖሎጂ


በአሜሪካው የኮምፒውተር ቴክኖሎጂ ኩባንያ አይቢኤም የተሰራው አዲሱ የሰው ሰራሽ አስተውሎት ቀመር ሀኪሞች የበሽታው ምልክት ከመታየቱ ከዓመታት በፊት አንድ ሰው በአልዛይመር ወይም የመርሳት በሽታ ይያዛል አይያዝም የሚለውን እንዲተነብዩና ቀድመው እንዲያክሙ ሊያደርግ የሚችል ነው፡፡ ይህን ትንበያ ለመስጠት ደግሞ ለቀመሩ አንድን ታሪክ ደጋግሞ መንገር ብቻ በቂ ነው፡፡ ቀመሩ በሙከራ ወቅት ከተሳታፊዎች የሚሰጡትን የፅሁፍ ናሙናዎች በማነፃፀር ብቻ እንዳሳየው 75 በመቶውን የአከልዛይመር ተጠቂዎች በስኬት ቀድሞ መለየት ይችላል፡፡
ቀመሩ የ270 ተሳታፊዎችን የነርቭ ጤና ምርመራ ለመመልከት ይረዳው ዘንድ ተሳታፊዎቹ በአንድ ቀለል ያለ ምስል ውስጥ እየሆነ ያለውን ነገር በተለያዩ ዓመታት ውስጥ ደጋግመው እንዲያብራሩ መጠየቃቸው ተገልጿል፡፡ በነዚህ ናሙናዎች ላይ ብቻ በመንተራስ ቀመሩ አንድን ቋንቋ ደጋግሞ እንደመጠቀም፣ የአፃፃፍ ስህተት እና የቃላት መጥፋትን እንደ ነርቭ ጉዳት በሽታ መለየት ችሏል፡፡
ሰዎች ጤነኛ መስለው በሚታዩበት ወቅት የአልዛይመር ተጠቂ ሊሆኑ እንደሚችሉ በማሳየት ረገድ የመጀመሪያው ቴክኖሎጂ መሆኑ በበሽታው ህክምና ባለሙያዎች ዘንድ የተመሰከረለት ይህ ቀመር ለዘርፉ ህክምና ትልቅ ትሩፋት ሊሆን ይችላል፡፡ በቀጣይም በሌሎች የነርቭ ህመሞች ላይ እንዲሞከር የታቀደለት መሆኑን ከአይቢኤም የተገኙ መረጃዎች አመላክተዋል፡፡ 




© ፊውቸሪዝም   













Short info

× Chat