askwala.com - 7 ሺህ ኪ.ሜ የሚረዝመው አዲሱ የጉግል መረጃ ማስተላለፍያ ገመድ
Header







7 ሺህ ኪ.ሜ የሚረዝመው አዲሱ የጉግል መረጃ ማስተላለፍያ ገመድ


ግሬስ ሁፐር የተሰኘውና በጉግል አማካኝነት አሜሪካን እና አውሮፓ ለማገናኘት የተዘረጋው የመረጃ ማስተላለፊያ ገመድ ከቀናት በፊት እንግሊዝ መድረሱ ተሰማ፡፡ ወደ ስራ በሚገባበት ወቅት በአንድ ጊዜ 17.5 ሚሊዮን ያህል ሰዎች 4ኬ ጥራት ያላቸው ቪዲዮን ማስተላለፍ እንዲችሉ የማድረግ አቅም ያለው ገመዱ ከአሜሪካኗ ኒው ዮርክ ከተማ ተነስቶ ወደ ስፔኗ ቢልባኦ እና እንግሊዟ በድ ድረስ የተዘረጋ ሲሆን በቀጣዩ የፈረንጆች ዓመት ወደ ስራ እንደሚገባ ይጠበቃል፡፡ የአዲሱ ትውልድ አህጉራትን በውቅያኖሶች ወለል የማገናኛ መስመር የሆነው ገመዱ ከህዝባዊው በይነ መረብ በተሻለም ደህንነትን የሚጠብቅ ይሆናል፡፡
ጉግል በግሉ የውቅያኖስ ውስጥ መረጃ ማስተላለፍያ ገመድ ሲዘረጋ ይህ 7ሺህ ኪ.ሜ የሚጠጋ ርዝመት ያለው ገመድ ለአራተኛ ጊዜው ሲሆን የእስካሁኖቹ ተደማምረውም 98 በመቶ የሚሆነውን የዓለማችን በይነ መረብ መረጃ ዝውውር እያስተላለፉ ይገኛሉ፡፡
ከወራት በፊት ገመዱን የብስ ላይ ለማድረስ ተሞክሮ በአስቸጋሪ አየር ፀባይ ምክንያት ሳይሳካ ቀርቶ ነው አሁን ላይ በስኬት የተጠናቀቀው፡፡ እንደ ጉግል ከሆነ አሜሪካን እና እንግሊዝን የሚያገናኝ የውቅያኖስ ውስጥ ለውስጥ ገመድ ሲዘረጋ ከአውሮፓውያኑ 2003 በኋላ የመጀመሪያው ነው፡፡ ይህም በተለይ በባህር ውስጥ የሚያገናኟት ገመዶች እያረጁባት ላሉት እንግሊዝ አስፈላጊ መሆኑ ተጠቅሷል፡፡
ከቴክኖሎጂ አንፃር ከዚህ ቀደም የተዘረጉት ገመዶች በውስጣቸው ይይዙት የነበሩት ከፍተኛው የፋይበር ገመዶች ብዛት 8 ሲሆን አዲሱ ግን በአንፃሩ 16 የፋይበር ገመዶችን የሚይዝ ነው፡፡ 




© BBC   













Short info

× Chat