askwala.com - የስማርት ስልኮቻችንን ደህንነት በምን መልኩ ማስጠበቅ እንችላለን?
Header







የስማርት ስልኮቻችንን ደህንነት በምን መልኩ ማስጠበቅ እንችላለን?


የስማርት ስልክዎን ደህንነት ለማስጠበቅ ከታች የተዘረዘሩ ተግባራትን ተግባራዊ ሊያደርጉ ይገባል፡፡
1. ኦፕሬቲንግ ሲስተምዎን ያዘምኑ፡- የስልክዎን ኦፕሬቲንግ ሲስተም ወቅቱን ጠብቀዉ ያዘምኑ::
2. መተግበሪያዎችን ያዘምኑ፡- ለሚጠቀሟቸዉ መተግበሪያዎች በየወቅቱ የሚለቀቁ የክፍተት መሙያና ማሻሻያ እድሳቶችን በመከታተል ያዘምኑ፡፡
3. መተግበሪያዎችን ከታማኝ ምንጮች ያዉርዱ፡- በስልክዎ ለተለያዩ ተግባራት የሚጠቀሙባቸዉን መተግበሪያዎች ከታማኝ የማዉረጃ ምንጮች ያዉርዱ፡፡ /ለምሳሌ ከጎግል ፕሌይ ስቶር፣ ከአፕ ስቶር …/
4. ነፃ የገመድ አልባ ኢንተርኔት አገልግሎትን (WiFi) ከመጠቀም ይቆጠቡ፡- ለህዝብ አገልግሎት ለመስጠት ተብለዉ በቀረቡ ነጻ የዋይፋይ ኢንትረኔት ተጠቀመው ምስጢራዊ መረጃዎችንና ሰነዶችን አይለዋወጡ፡፡ ለመሰል አገልግሎቶች ከዋይፋይ ይልቅ የሞባይል ዳታ ይጠቀሙ፡፡ ነጻ የገመድ አልባ ኢንተርኔት ለጥቃት ተጋላጭነትዎን ስለሚጨምር ባይጠቀሙ ይመከራል።
5. ስማርት ስልክዎንና መተግበሪያዎችዎን ይቆልፉ፡- ስማርት ስልክዎንና በስማርት ስልክዎ ላይ የሚጠቀሙባቸዉንና በሦስተኛ አካል እንዲታዩ የማይፈልጓቸዉን መተግበሪያዎች በአሻራ፣ በፓተርን፣ በይለፍ ቃል፣ በይለፍ ቁጥር፣ በፊት መለያ ወዘተ ይቆልፉ፡፡ ለማህበራዊ ሚዲያ መጠቀምያ መተግበሪያዎችዎ የ2 ዙር ማረጋገጫ (Two-factor authentication) ይጠቀሙ፡፡ የሚጠቀሙባቸዉ የይለፍ ቃሎች በቀላሉ የማይገመቱና በየወቅቱ የሚቀያየሩ መሆን አለባቸዉ፡፡
6. ግላዊ መረጃዎችን በማህበራዊ ሚድያ ከማጋራት ይቆጠቡ፡- ለፊሺንግና መሰል ማጭበርበርያ ዘዴዎች እንዳይጋለጡ የስልክ ቁጥርዎን፣ የኢሜል አድራሻዎን፣ የትዉልድ ዘመንዎን፣ የቤተሰብ ዝርዝር ማንነትንና መሰል ግላዊ መረጃዎችዎን ከማጋራት ይቆጠቡ፡፡
7. ከኢ-ሜይል ማጭበርበሮች (phishing) ጥቃት ይጠንቀቁ፡- ከማያዉቁት አካል ወይም እንዲላክልዎ ከማይጠብቁት አካል በተላከልዎ የኢ-ሜይል መልዕክት ዉስጥ እንዲጫኑት የተጠየቁትን ማስፈንጠርያዎችና አባሪዎችን አይክፈቱ፡፡ በተጨማሪም ለሚጠየቁት ሚስጢራዊ መረጃዎች ምላሽ አይስጡ፡፡
8. ፀረ-ቫይረስ ይጠቀሙ፡- የስልክዎን ደህንነት ለማስጠበቅ ከትክክለኛ ምንጭ የተገኙ ፀረ-ቫይረሶችን ይጠቀሙ፡፡ ፀረ-ቫይረሶችን ከስልኮቹ ጋር ተጭነዉ ሊያገኟቸዉ ይችላሉ፤ ከታዋቂ የፀረ-ቫይረስ አምራች ኩባንያዎች ድረ-ገፅ፤ ከጎግል ፕሌይ ስቶር እና ከአፕ ስቶር አዉርደዉ መጠቀም ይችላሉ። የሚጠቀሙባቸዉን ፀረ-ቫይረሶች በቀጥታ ራሳቸውን እንዲያዘምኑ (ወቅታዊ እንዲያደርጉ) ያድርጓቸው ወይም በየጊዜዉ የሚለቀቁ ማዘመኛዎችን እና እድሳቶችን ተከታትለዉ ያዘምኗቸዉ፡፡
9. የመተግበሪያዎችን ፍቃድ ይቆጣጠሩ፡- መተግበሪያዎች ለሚሰጡት አገልግሎቶች የተለያየ የስልክዎን ፍቃዶች ሊጠይቁ ይችላሉ፤ ነገር ግን የአጥፊነት ባህርይ ያላቸው መተግበሪያዎች ለሚሰሩት ስራ ሊሰጣቸዉ ከሚገባ ፍቃድ ዉጪ በማለፍ ምስጢራዊ የግል መረጃዎን ለማግኘትና ሌሎች ጥቃቶችን ለመፈጸም የሚያግዛቸውን ፍቃድ ስለሚጠይቁ መተግበሪያዎችዎን በሚጭኑበት ወቅት የሚሰጧቸዉን ፈቃድ በሚገባ ይመርምሩ። ለጫኗቸው መተግበሪያዎች የሰጧቸዉን ፍቃዶች በመመርመር የማይገቡ ፍቃዶችን ይገድቡ፡፡
10. የጠቃሚ መረጃዎችዎን ቀሪ (backup) ይያዙ፡- በሳይበር ጥቃት ወይም በሌላ ምክንያት በማንኛዉም ወቅት በስልክዎ ላይ ያለን መረጃ ሊያጡ እንደሚችሉ በማሰብ በሌላ መገልገያ ወይም የመረጃ ማከማቻ በመጠቀም በየጊዜው ቀሪ መያዝዎን አይዘንጉ፡፡ 

















Short info

× Chat