ህጻን ባህራን ያሬድ ይባላል፡፡ የተወለደው ሰኔ 09 ቀን 2013 ዓ.ም ነው፡፡ በአሁኑ ሰዓት 4 ወር ከ8 ቀን ሆኖታል፡፡ በዚህ የዕድሜው ጠዋት Congenital (ኮንጀናይታል) heart disease ወይንም የልብ አፈጣጠር ችግር አጋጥሞታል። ህጻን ባህራን ያሬድ ባለፉት ወራት በጥቁር አንበሳ የልብ ህክምና ማዕከል እና በቅዱስ ጳውሎስ ሆስፒታል የህክምና ክትትል ሲያደርግ የቆየ ቢሆንም ከገጠመው ህመሙ መፈወስ አልቻለም፡፡ በመጨረሻም የቅዱስ ጳውሎስ ሆስፒታል በደብዳቤ ቁጥር ጳሀ8/1709 በቀን 15/02/2014 በሀገር ውስጥ እየተሰጠው ያለው ህክምና እንዳልተሳካ ገልፆልን ለከፍተኛ ህክምና ወደ ውጪ ሀገር ሄዶ መታከም እንደሚገባው አሳውቆናል፡፡
ውድ ኢትዮጵያውያን፣ እንደምታውቁት በልጅ መፈተን ፈተና ነው። ከባድ ነው። እኛም ቤተሰቦቹ በዚህ ከባድ ወቅት ላይ እንገኛለን። «50 ሎሚ ለ50 ሰው ጌጡ ነው» በሚለው ብሂል ተበረታተን ሸክማችንን አግዙን ልንል በየቤታችሁ መጣን። ለምታደርጉልን የገንዘብ ልገሳ፣ መልካም ምኞት እና ፀሎት ሁሉ ከልብ እናመሰግናለን።