askwala.com - የኮምፒዩተር ኮድ በመጻፍ ከሰዎች ጋር የሚፎካከረው የአርቲፊሻል ኢንተለጀንስ ሥርዓት
Header







የኮምፒዩተር ኮድ በመጻፍ ከሰዎች ጋር የሚፎካከረው የአርቲፊሻል ኢንተለጀንስ ሥርዓት

Image name: AlphaCode.jpg

አልፋኮድ የተባለ የአርቲፊሻል ኢንተለጀንስ ሥርዓት የኮምፒዩተር ኮዶችን በመጻፍ በተደረገ ውድድር አበረታች ውጤት ማስመዝገቡ ተገለፀ፡፡
ሥርዓቱ ኮድፎርስ ተብሎ በሚታወቀው የኮምፒዩተር ፕሮግራሚንግ የውድድር መድረክ ላይ ከሰዎች ጋር በመፎካከር ጥሩ ውጤት ካስመዘገቡት ሃምሳ አራት በመቶ ቀዳሚ ተፎካካሪዎች ውስጥ መካተት መቻሉን የዲፕ ማይንድ ድረ-ገፅ አስነብቧል፡፡
በመድረኩ በተመረጡ አስር ፉክክሮች ላይ የተሳተፈው አልፋኮድ በመካከለኛ ሁኔታ በሚመደብ የተፎካካሪነት ደረጃ መገኘት መቻሉ ተገልጿል፡፡ ይህም ለፉክክር የበቃ የመጀመሪያው የአርቲፊሻል ኢንተለጀንስ ኮድ አመንጪ ሥርዓት እንደሚያደርገው ዘገባው ያስረዳል፡፡
ይህ ሥርዓት የኮምፒዩተር ኮዶቹን ለማመንጨት ትራንስፎርመር ቤዝድ ላንጉዬጅ የተባለውን ስልት እንደሚጠቀም መረጃው ጠቁሟል፡፡
ሥርዓቱ የበለፀገው በጉግል ባለቤትነት በሚተዳደረው ዲፕማይንድ ኩባንያ ነው፡፡ በሺዎች የሚቆጠሩ ተወዳዳሪዎች የሚሳተፉበት ይህ መድረክ በጥልቀት ማገናዘብን፣ አመክንዮን፣ ስልተቀመሮችን፣ ኮድ እና ተፈጥሯዊ ቋንቋን አዋህዶ መረዳትን ይጠይቅ እንደነበር ተመላክቷል፡፡ 

















Short info

× Chat