ሶፍትዌሩ የአሽከርካሪውን የምልከታ አቅጣጫ፣ የዓይን እርግብግቦሽ ምጣኔ፣ የእንቅልፍ ስሜት እና መዘናጋት ይከታተላል፡፡
በተጨማሪም አሽከርካሪዎች የደህንነት ቀበቶ ማድረጋቸውን፣ የአቀማመጥ ሁኔታ፣ የመኪናውን የመያዝ አቅም እና ተገቢው የህጻናት መቀመጫ መኖር አለመኖሩን የመለየት አቅም እንዳለው ዜድዲኔት ዘግቧል፡፡
ካቢን ሴንስ የተሳፋሪዎችን እድሜ እና ጾታ እንዲሁም በመኪና ውስጥ የሚገኙ ቦርሳ፣ ስልክ እና የመሳሰሉ ቁሶችን መለየት ይችላል፡፡
በዋናነት አሽከርካሪው ላይ ትኩረት ያደረገው ይህ ሶፍትዌር አርቲፊሻል ኢንተለጀንስ እና ኮምፒዩተር ቪዥን በመጠቀም የአሽከርካሪውን አሁናዊ ሁኔታ እንደሚከታተል ተመላክቷል፡፡
በዓለም ጤና ድርጅት የ2021 (እ.ኤ.አ) መረጃ መሠረት በዓለም ዙሪያ በየዓመቱ 1.3 ሚሊዮን ሰዎች በመንገድ ትራፊክ አደጋዎች ይሞታሉ፡፡ ከአደጋዎቹ ምክንያቶቹ መካከል የአሽከርካሪዎች ትኩረት ማነስ አንዱ ነው፡፡